جۇزدەسۋ بارىسىندا قوس تاراپ قوعامدا قالىپتاسقان ءدىني كەلىسىم مەن ۇلتارالىق تاتۋلىقتى ودان ءارى نىعايتا ءتۇسۋ, ءدىن قىزمەتكەرلەرىنىڭ ءبىلىمى مەن تاجىريبەسىن شىڭداۋ, جات اعىمنىڭ ارباۋىندا كەتكەن جاستاردىڭ ءداستۇرلى دىنىمىزگە ورالۋىنا جان-جاقتى ىقپال ەتۋ جايىندا ءوزارا پىكىر الماستى.
وبلىستا ءدىني احۋالدىڭ تۇراقتى ەكەنىن ايتقان ايماق باسشىسى ەلباسىنىڭ سارابدال ساياساتىنىڭ ناتيجەسىندە بۇگىندە ەلىمىز الەمگە ىنتىماق پەن بىرلىگى جاراسقان, كوپ كونفەسسيالى مەملەكەت رەتىندە تانىلىپ وتىرعانىن جەتكىزدى.
«بۇگىنگى تاڭدا وبلىستا 11 كونفەسسياعا كىرەتىن 60 ءدىني بىرلەستىك جۇمىس ىستەيدى. قازاقى قايماعى بۇزىلماعان وڭتۇستىك وڭىردە ءدىنى بولەك بولسا دا تىلەگى ءبىر ءتۇرلى ەتنوس وكىلدەرى تاتۋلىق پەن بىرلىكتە ءومىر ءسۇرىپ كەلەدى» - دەدى وبلىس اكىمى.
ءوز كەزەگىندە باس ءمۇفتي ءدىني ءبىلىم بەرۋ ماسەلەسىنە توقتالىپ, جاستارعا رۋحاني-ونەگەلى تاربيە بەرۋدىڭ ماڭىزدىلىعىن ايتتى. سونىمەن بىرگە مۇسىلمانداردىڭ رۋحاني قاجەتتىلىكتەرىن بارىنشا قاناعاتتاندىرىپ, قوعاممەن بىرلەسىپ جۇمىس ىستەۋ قاجەتتىگىن ءسوز ەتتى.
