مەملەكەت باسشىسى ءبىز ءومىر ءسۇرىپ جاتقان جاڭا جاھاندىق جاعدايدا كۇتىپ وتىرماي, بولاشاققا سەنىمدى قادام باسقان جانە قاتەرلەرگە قارسى ارەكەت ەتكەن حالىقتار عانا جەڭىمپاز اتاناتىنىن وسىنىڭ الدىندا دا ايتقان بولاتىن.
تالداۋلار بويىنشا, الداعى ون جىل يننوۆاتسيالار جاپپاي ەنگىزىلەتىن جانە جوعارى تەحنولوگيالار مەن قىزمەت كورسەتۋلەردىڭ جاھاندىق نارىقتاعى باسەكەلەستىگى كۇشەيەتىن ۋاقىت بولادى. جوعارى تەحنولوگيالار مەن يننوۆاتسيالار ەكونوميكالىق وركەندەۋدىڭ درايۆەرى بولىپ تابىلادى. 2050 جىلعا دەيىن الەمدىك ەكونوميكانىڭ سيپاتى ەلەۋلى تۇردە وزگەرەتىنى بايقالۋدا, ول جاڭا دەڭگەيدەگى تەحنولوگيالارعا جاپپاي كوشۋگە اسەر ەتەدى.
دامۋداعى جاھاندىق كورىنىستەردى ەسكەرە وتىرىپ, مەملەكەت باسشىسى 10 نەگىزگى مىندەتتى ايقىندادى جانە ونى ورىنداۋعا جۇمىلۋعا شاقىرىپ وتىر. باستى مىندەتتەردىڭ قاتارىندا «سىبايلاس جەمقورلىقپەن كۇرەس جانە زاڭنىڭ ۇستەمدىگىن ورناتۋ» مىندەتى بۇرىنعىشا قالا بەرەدى.
ەل پرەزيدەنتى ن. نازارباەۆتىڭ سىبايلاس جەمقورلىققا قارسى پارمەندى جۇمىستاردى جالعاستىرۋعا بەرگەن تاپسىرماسى سىبايلاس جەمقورلىقتى انىقتاۋ جانە ونىڭ سەبەپتەرى مەن العىشارتتارىن تۇبىرىنەن جويۋ جونىندەگى جۇمىستاردى كۇشەيتۋگە مىندەتتەپ وتىر.
مەملەكەتتىك ورگانداردىڭ تۇرعىندارمەن جانە بيزنەسپەن ءوزارا ءىس-قيمىل ۇدەرىستەرىن ساندىق نەگىزگە كوشىرۋ جونىندە دە تاپسىرما بەرىلدى. بۇل مەملەكەتتىك ورگاندار جۇمىسىنىڭ مولدىرلىگىن كورسەتىپ, جۇرتشىلىققا قىزمەت كورسەتۋ ۇدەرىستەرىن جەڭىلدەتەدى.
سونداي-اق ازاماتتاردىڭ كونستيتۋتسيالىق قۇقىقتارىنا كەپىلدىكتى نىعايتۋ, زاڭ ۇستەمدىگىن قامتاماسىز ەتۋ, قۇقىق قورعاۋ قىزمەتىن ىزگىلەندىرۋ جونىندەگى جۇمىستار جالعاساتىن بولادى.
پارلامەنت سەناتىنىڭ دەپۋتاتتارى پرەزيدەنت جولداۋىن ىسكە اسىرۋدى زاڭنامالىق تۇرعىدا قامتاماسىز ەتۋ جۇمىستارىن جۇزەگە اسىراتىن بولادى.
ۆلاديمير ۆولكوۆ,
پارلامەنت سەناتىنىڭ دەپۋتاتى
