سۋرەتتى تۇسىرگەن ەرلان التىباەۆ
وبلىستىق پەريناتالدىق ورتالىقتا دۇنيەگە ومار ەسىمدى ۇل اكەلگەن جاس انا جايدار يباتوللاقىزى: «قاعازباستىلىقتى كوبەيتپەي, جەدەل, اۆتوماتتى تۇردە راسىمدەلەتىن كۋالىكتىڭ العاشقى يەگەرلەرىنىڭ قاتارىندا بولعانىمىزعا قۋانىشتىمىز», - دەيدى.
«ازاماتتارعا ارنالعان ۇكىمەت» مەملەكەتتىك كورپوراتسياسى «ۇلتتىق اقپاراتتىق تەحنولوگيالار» اكتسيونەرلىك قوعامىنىڭ پرواكتيۆتى ءادىسى اياسىندا باستاۋ العان پيلوتتىق جوبانىڭ ارتىقشىلىعى كوپ. وبلىستىق حالىققا قىزمەت كورسەتۋ ورتالىعى دەپارتامەنتىنىڭ ديرەكتورى تۇرلان نۇرجانوۆ بۇرىن جاڭا تۋعان بالانى تىركەۋ, كۋالىگىن الۋ, جاردەماقى تاعايىنداۋ, بالاباقشا كەزەگىنە تۇرۋ سىندى شارالار حالىققا قىزمەت كورسەتۋ ورتالىقتارىندا جۇزەگە اسقانىن ايتادى. ەندى اتا-انا قحكو-عا بالانىڭ كۋالىگىن الىپ كەتۋ ءۇشىن عانا بارادى نەمەسە ۇيگە جەتكىزۋ قىزمەتىن پايدالا الادى. بارلىق قاجەتتى قىزمەتتەردى SMS-حابارلاما ارقىلى الۋعا بولادى. ول ءۇشىن كەز-كەلگەن حالىققا قىزمەت كورسەتۋ ورتالىقتارىنا بارىپ, تەلەفون نومىرلەرىن پورتالداعى جەكە كابينەتتەرىندە بەكىتۋى كەرەك.
باقىتگۇل باباش,
"ەگەمەن قازاقستان"
اتىراۋ.
