وتكەن جىلى اتقارىلعان جۇمىس از بولعان جوق. وسى ورايدا وڭىردەگى بىرەگەيلىك پەن كەلىسىمدى نىعايتۋعا ۇلەس قوسقان جامبىل وبلىسى اكىمى اپپاراتىنىڭ «قوعامدىق كەلىسىم» مەكەمەسى جانىنان قۇرىلعان اقساقالدار, انالار كەڭەستەرىنىڭ مۇشەلەرى مەن عىلىمي-ساراپتامالىق توپ, وڭىردەگى مەدياتسيا ينستيتۋتىنىڭ وكىلدەرى مەن شىعارماشىلىق ۇجىمدار, سونداي-اق ەتنومادەني بىرلەستىكتەر جانە «اقجەلكەن» جاستار ليگاسىنىڭ بەلسەندىلەرى ءتۇرلى نوميناتسيالارمەن ماراپاتتالدى.
ايتا كەتەيىك, «قوعامدىق كەلىسىم» مەكەمەسىنىڭ ۇيىمداستىرۋىمەن وتكەن «قايىرىمدى جان – 2017» اكتسياسىندا وڭىردەگى ەتنومادەني بىرلەستىكتەر بەلسەندىلىك تانىتقان بولاتىن. وڭىردەگى قوعامدىق بىرلەستىكتەردىڭ جەتەكشىلەرى اكتسياعا كاسىپكەرلەردى تارتۋ ارقىلى جينالعان بارلىق قاراجاتتى ناۋقاس بالالارعا ۇلەستىرگەن ەدى. وكىنىشتىسى, بۇگىندە وبلىستىق بالالار اۋرۋحاناسىندا ءتۇرلى دياگنوزبەن ۇزاق ۋاقىت بويى ەمدەلىپ جاتقان بالالار كوپ ەكەن. وسىنداي مۇمكىندىگى شەكتەۋلى 5 ءبۇلدىرشىننىڭ ەمىنە 900 مىڭ تەڭگە ءبولىنىپ, قاراجاتتىڭ وتە مۇقتاج بالالارعا بەرىلۋىن قاداعالاۋ ءۇشىن اسسامبلەيا مۇشەلەرىنەن ارنايى كوميسسيا دا قۇرىلعان.
ناتيجەسىندە ناۋقاسىنىڭ دياگنوزىنا قاراي د.پوتاپوۆقا 150 مىڭ, ح.ساناحۋنعا 300 مىڭ, ال ا.رىسباي مەن ا.نۇرماعامبەتتىڭ ارقايسىسىنا ەم-دومى ءۇشىن 150 مىڭ تەڭگەدەن بەرىلدى. ال «احىسكا» تۇرىك ەتنومادەني بىرلەستىگىنىڭ مۇشەسى م.داۆريشەۆ ءبىر ءوزى 200 مىڭ تەڭگە كولەمىندە كومەك كورسەتىپ, اتالعان اكتسياعا ۇلەس قوسقان. ەجەلدەن بەيبىتشىلىك پەن تاتۋلىقتى, بىرلىك پەن بەرەكەنى تۋ ەتكەن ەلىمىزدىڭ جومارت ازاماتتارى الداعى ۋاقىتتاردا دا بۇل اكتسيادان قالىس قالماي, بالالار باقىتى ءۇشىن بارىن سالۋعا دايىن ەكەندەرىن جەتكىزدى.
حاميت ەسامان,
«ەگەمەن قازاقستان»
جامبىل وبلىسى
