«ەلباسى ن.نازارباەۆ قازاقستان حالقىنا جولداۋىندا مەملەكەت ءۇشىن الەۋمەتتىك ساياساتتىڭ باسىمدىقتارى ونىڭ ىشىندە نەگىزگى باعىتتارىنىڭ ءبىرى ادامي كاپيتالدى دامىتۋ ەكەندىگىن تاعى دا قاداپ ايتتى. مەملەكەت باسشىسىنىڭ تاپسىرماسىنا وراي بيىل رەسپۋبليكالىق بيۋدجەتتىڭ الەۋمەتتىك سالاعا بولىنەتىن شىعىنى 12 پايىزعا ارتىپ, 4 ترلن تەڭگەدەن اساتىن بولادى. ەلباسىنىڭ بيىلعى جولداۋىن ەسكەرە وتىرىپ, ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك قامسىزداندىرۋ جانە ەڭبەك سالاسىن دامىتۋ بويىنشا الدىعا ناقتى مىندەتتەر قويىپ وتىر», دەدى ۆيتسە-مينيستر.
بيىلعى جولداۋدا مەملەكەت باسشىسى نۇرسۇلتان نازارباەۆ ەڭبەك جانە xالىقتى الەۋمەتتىك قورعاۋ مينيسترلىگىنىڭ جۇمىسىن سىنعا العانى بەلگىلى.
«پرەزيدەنت ءوز جولداۋىندا مينيسترلىكتىڭ جۇمىسىن قاتتى سىنعا الدى. ءبىز ول سىندى تولىعىمەن مويىندايمىز. ول سوزدەردىڭ نەگىزى بار», دەدى ەڭبەك جانە xالىقتى الەۋمەتتىك قورعاۋ ۆيتسە-ءمينيسترى س. جاقىپوۆا.
مينيسترلىكتىڭ مالىمەتىنە سايكەس, رەسپۋبليكا بويىنشا 940 مىڭ ادام ءوزىن-ءوزى جۇمىسپەن قامتىپ, پايدا تاۋىپ ءجۇر. ولاردىڭ بارلىعى بيۋدجەتكە ەشقانداي تولەمدەر جاسامايدى. زەينەتاقى قورىنا دا اقشا اۋدارمايدى. «دەمەك, ول ادامدار بولاشاقتا زەينەتاقىعا قالاي شىعاتىندارىنا ءمان بەرمەيدى. الەۋمەتتىك ساقتاندىرۋ قورىنا دا اقشا تولەمەيدى. ونداي ادامدار ەرتەڭ ەڭبەككە جارامسىز بولىپ قالامىن, بالا كوتەرەمىن دەگەن ماسەلەلەردى ويلانۋى كەرەك», دەدى س.جاقىپوۆا.
ونىڭ ايتۋىنشا, قازىرگى كەزدە وسى ساناتتاعى ازاماتتاردى انىقتاۋ جانە تىركەۋ جۇمىستارىمەن مەملەكەتتىك كىرىستەر دەپارتامەنتتەرى اينالىسىپ جاتىر.
«بۇدان بولەك, 178 مىڭ ادام وزدەرىن جەكە كاسىپكەر دەپ تانىستىرعان. الايدا ولاردىڭ بارلىعى ءتيىستى مەملەكەتتىك ورگانداردا تىركەلمەگەن بولىپ شىقتى. سوندا ولار كاسىپكەرلىكپەن اينالىسسا دا, ءوزىن-ءوزى جۇمىسپەن قامتىپ جۇرگەندەر سياقتى بيۋدجەتكە ەشقانداي سالىق تولەمەيدى, زەينەتاقى مەن الەۋمەتتىك قورعا اقشا اۋدارمايدى. دەمەك, قازاقستاندا بارلىعى 1 ملن-نان استام ادام ءوز كاسىبىن زاڭداستىرۋى قاجەت», دەدى ول.
ەلباسى جولداۋدا «بىرىڭعاي ەلەكتروندى ەڭبەك بيرجاسىن كەڭ اۋقىمدا ەنگىزۋ قاجەت. وندا بوس جۇمىس ورىندارى مەن جۇمىس ىزدەۋشىلەر تۋرالى بارلىق اقپارات جيناقتالۋعا ءتيىس» ەكەنىن ايتقان بولاتىن. ۆيتسە-مينيستر جۇكتەلگەن مىندەتتى جۇيەلى اتقارۋ ءۇشىن ءتيىستى جۇمىستار اتقارىلاتىنىن جەتكىزدى.
«ەلباسى ەلەكتروندى ەڭبەك بيرجاسى تۋرالى زاڭدى 2018 جىلعى 1 ساۋىرگە دەيىن قابىلداۋ قاجەتتىگىن تاپسىردى. ءبىز قازىردىڭ وزىندە وسى تاپسىرما توڭىرەگىندە جۇمىس ىستەپ جاتىرمىز», دەدى س.جاقىپوۆا.
راۋان قايدار,
«ەگەمەن قازاقستان»
