باسقوسۋدا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ قىزمەتىنىڭ پروتسەستىك نەگىزدەرىن جاڭعىرتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جاڭا زاڭنىڭ اياسىندا اتقارىلعان ءبىر اپتالىق جۇمىستىڭ تاجىريبەسى مەن تۋىنداعان پروبلەمالىق ماسەلەلەر تالقىلاندى.
ق.قوجامجاروۆ زاڭ تالاپتارىن بۇزۋدى الدىن الۋ ماقساتىندا ۇيىمداستىرۋشىلىق شارالار قابىلدانعانىن جەتكىزدى. اتاپ ايتقاندا, بارلىق قۇقىق قورعاۋ ورگاندارى باسشىلارىنىڭ قاتىسۋىمەن جيىن وتكىزىلىپ, وبلىس پروكۋرورلارىنا زاڭدى قولدانۋ ءتارتىبى مەن جەكە قۇرامدى وقىتۋ بويىنشا نۇسقاۋ جولداندى, سونداي-اق ادىستەمەلىك قۇرالدار ازىرلەندى.
وبلىس پروكۋرورلارىنىڭ ەسەبىن تىڭداعان باس پروكۋرور قىلمىستىق قۋدالاۋ سالاسىندا ازاماتتاردىڭ كونستيتۋتسيالىق قۇقىعىن بۇزۋ فاكتىلەرىنە جول بەرمەۋ كەرەكتىگىن, سەبەبى بۇل ادامنىڭ جەكە باس بوستاندىعىن شەكتەۋمەن, ۇستاۋ مەن قاماۋعا الۋمەن بايلانىستى ەكەندىگىن اتاپ ءوتتى. جينالىستىڭ قورىتىندىسى بويىنشا ق.قوجامجاروۆ بىرقاتار ناقتى تاپسىرمالار بەردى.
