مىنە, وسى ويدى ءارى قاراي ساباقتايتىن بولساق, زاماننىڭ دامۋ زاڭدىلىقتارى مەن قاۋىپ-قاتەرلەرىن ەلباسى الدىن الا بولجاپ, ايتىپ تا كەلەدى, سوعان توتەپ بەرە الارلىق قاۋقارى بار باعدارلامالىق ىستەردى جاساتىپ تا ءجۇر. سونىڭ ءبىر جارقىن مىسالى قازاقستاندى يندۋستريالاندىرۋ بولسا كەرەك. بۇل تاۋەلسىز قازاقستاننىڭ بولاشاعىن, ءتىپتى ونىڭ تاعدىرىن انىقتايتىن ماڭىزى بار جۇمىس.
ەلباسىنىڭ جولداۋىندا اتاپ كورسەتىلگەن 10 مىندەتتىڭ قاشان بولسىن ءوز ماڭىزىن جويمايتىنى تاعى بار. سول ون مىندەتتىڭ بارلىعى ەلىمىزدىڭ الەۋمەتتىك-ەكونوميكالىق دامۋىندا, رۋحاني جاڭعىرۋىندا, تاريح ساحناسىنا بۇرىنعىدان دا بەرىك ورنىعا تۇسۋىندە, الەمدىك ساياساتتا ءوز ءسوزىڭدى بۇگىنگىدەي ايتۋىڭ ءۇشىن دە اسا زور ماڭىزى بار ەكەندىگى داۋ تۋدىرمايتىن ماسەلە.
مەملەكەت باسشىسى: «بۇگىن ادامزات جاڭا ونەركəسىپتىك رەۆوليۋتسيا دəۋىرىنە اياق باسىپ وتىر. زاماناۋي تەحنولوگيالار دۇنيەنى وزگەرىسكە ۇشىراتۋدا. جاھاندىق تەحنولوگيالىق ىلگەرىلەۋشىلىكتەر وزىمەن بىرگە سىن-قاتەرلەردى دە, سونداي-اق ءوسىمنىڭ جاڭا مۇمكىندىكتەرىن دە الىپ كەلۋدە. بۇل – ءبىزدىڭ əلەمدەگى اسا دامىعان 30 ەلدىڭ قاتارىنا جەدەل ەنۋ ءۇشىن تاريحي مۇمكىندىگىمىز», دەدى.
تاريحي مۇمكىندىك. راسىندا دا بۇل قازىر جانە ءتىپتى جەدەل, ءتىپتى ۇيقى-كۇلكى كورمەي دە ءبىزدىڭ اسا ءتيىمدى پايدالانىپ قالۋعا ءتيىستى تاريحي مۇمكىندىگىمىز. سول تاريحي مۇمكىندىكتى جەدەل پايدالانىپ قالۋدىڭ تاعى ءبىر ماڭىزى بار. ال بۇل كەلىپ, ءوز ەلىمىز بەن بولاشاعىمىزدىڭ جانە كەلەر ۇرپاعىمىزدىڭ تاعدىرى الدىنداعى ۇلى جاۋاپكەرشىلىككە اكەلىپ سايادى. تەرەڭىرەك زەردەلەر بولساق, قازاقستان يندۋسترياسىنا جاڭا تەحنولوگيالاردى ەنگىزۋدىڭ, ەل ونەركəسىبىندەگى ەڭبەك ونىمدىلىگىنىڭ دەڭگەيىن كوتەرۋ مەن وندىرىستىك پروتسەستەردى تسيفرلاندىرۋ جəنە زاماناۋي بيزنەس-مودەلدەردى مەڭگەرۋ, قازاقستاننىڭ رەسۋرستىق əلەۋەتىن پايدالانۋدىڭ تيىمدىلىگىن جاقسارتۋ, اقپاراتتىق-تەحنولوگيالىق شەشىمدەردى ەنگىزۋ, اگروونەركəسىپ كەشەنىن جاڭا تەحنولوگيالىق دەڭگەيگە كوتەرۋ جانە دە كولىك پەن لوگيستيكالىق ينفراقۇرىلىمدى ودان ءəرى دامىتا بەرۋ سياقتى ەلباسى العا تارتىپ وتىرعان مىندەتتەردىڭ قايسىسىن بۇگىنگى دامۋ پروتسەستەرى ءۇشىن ماڭىزدى ەمەس دەپ ايتا الارسىز. ءبارى دە ماڭىزدى جانە دە بۇل مىندەتتەردە ارقايسىمىزدىڭ ءومىر تىنىسىمىز, اربىردەن سوڭ ەل تاعدىرىمەن قوسا ءوز تاعدىرىمىز جاتىر.
ء بارىمىزدىڭ ءومىرىمىز جول ۇستىندە ءوتىپ جاتىر. ءبارىمىز دە جولاۋشىمىز. وسى ءبىر وي توڭىرەگىندە وتىرىپ, نازارىم جولداۋدىڭ «كولىك-لوگيستيكا ينفراقۇرىلىمىنىڭ تيىمدىلىگىن ارتتىرۋ» اتتى ءتورتىنشى مىندەتكە ەرىكسىز توقتاپ, وسى ماسەلەگە ەرەكشە دەن قويدىم. ويتكەنى ءبىر-بىرىنە جولدىڭ امانشىلىعىن تىلەيتىن حالقىمىز قاشاندا قارا جولدى قاسيەت تۇتا بىلگەن. وسى ورايدا بۇگىنگى قازاقستاننىڭ قاي سالادا بولسىن ىلگەرىلەپ كەتۋىنىڭ ءبىر تارماعى وسى جولىمىزدا جاتىر. ەلباسى كولىك-لوگيستيكا ماسەلەسىن ءبىر بۇگىن عانا ايتىپ وتىرعان جوق. بۇل ماسەلەگە مەملەكەت باسشىسى تاۋەلسىزدىكتىڭ العاشقى كەزەڭدەرىنەن باستاپ كوڭىل ءبولىپ, ۇزبەي دامىتۋدىڭ تالابىن قويىپ, سونى ۇدايى ايتىپ, ءوز باقىلاۋىندا ۇستاپ كەلەدى.
قازاقستان قازىردىڭ وزىندە كولىكتىك ءىرى ايماققا اينالىپ وتىر. قازىر قازاقستان ارقىلى بىرنەشە ترانسكونتينەنتالدى ءدالىز وتەتىنى دە بەلگىلى. سونىڭ ناتيجەسى بولار, جولداۋدا اتاپ كورسەتىلگەنىندەي, قازاقستان ارقىلى وتكەن جۇك ءترانزيتى 2017 جىلى 17 پايىزعا ءوسىپ, ول 17 ميلليون تونناعا جۋىقتاسا, ەندى ترانزيتتەن تۇسەتىن سول جىل سايىنعى تابىستى 2020 جىلى 5 ميلليارد دوللارعا جەتكىزۋ مىندەتى قويىلدى. وسى بەس ميلليارد دوللارعا قول جەتەر بولسا, كولىك-لوگيستيكا ينفراقۇرىلىمىنا جۇمسالعان مەملەكەت قاراجاتىنىڭ تەز ارادا قايتارىمى دا بولادى.
ارينە, كولىك-لوگيستيكا سالاسىن دامىتىپ, جەتىلدىرۋگە الەمنىڭ كەز كەلگەن مەملەكەتىنىڭ دە ىنتالى بولىپ, ولار وسى سالانى جەتىلدىرۋدىڭ نەبىر امال-تاسىلدەرىن جاساپ جاتقاندارى انىق. ءبىز دە سولاي جاساۋعا مىندەتتىمىز. ەلباسى بۇل ورايدا ءوز جولداۋىندا جۇك قوزعالىسىن «ونلاين» جۇيەسىندە باقىلاپ, ولاردىڭ كەدەرگىسىز تاسىمالىن قامتاماسىز ەتىپ وتىرۋدى جانە كەدەندىك وپەراتسيالاردى جەڭىلدەتۋ ماقساتىمەن «بلوكچەين» سياقتى تسيفرلى تەحنولوگيالاردىڭ اۋقىمدى تۇردە ەنگىزىلۋىن قامتاماسىز ەتۋدى العا تارتادى. ويتكەنى وسى كۇنگى بۇل زاماناۋي شەشىمدەر كولىك-لوگيستيكا سالاسىنىڭ بارلىق بۋىنىنىڭ ءوزارا بايلانىسىن ۇيىمداستىرۋعا مۇمكىندىك بەرەدى. مىنە, وسى اسا ماڭىزدى سالانىڭ الەمدىك وزىق ۇردىسپەن دامۋى مەن جۇمىس ىستەۋىن قامتاماسىز ەتۋ ءۇشىن جىل سايىن بۇعان بولىنەتىن بيۋدجەت قاراجاتىنىڭ جالپى كولەمىن ورتاشا مەرزىمدەگى كەزەڭدە 150 ميلليارد تەڭگەگە جەتكىزۋ كوزدەلىپ وتىر.
جولداۋدا ەلدىڭ الدىنا قويىلعان ون مىندەتتىڭ ارقايسىسىنىڭ دا ومىرلىك, تاريحي ماڭىزدىلىعى وراسان ەكەنىن ايتۋعا بولادى. نەگىزگى باعىت – الەمنىڭ دامىعان 30 مەملەكەتىنىڭ قاتارىنا ەنۋ بولسا, ەندى كەلىپ وسى ون مىندەت سول ماقساتقا جەتۋ جولىمىزداعى تەمىرقازىعىمىز ىسپەتتەس.
جابال ەرعاليەۆ,
جازۋشى, قازاقستاننىڭ ەڭبەك
سىڭىرگەن قايراتكەرى
كوكشەتاۋ
