ەلىمىزدىڭ دەنساۋلىق ساقتاۋ سالاسىندا الەمدە بۇرىننان بار تاجىريبەلەر قولدانىلىپ كەلەدى. ەندى سول تاجىريبەلەردى باتىل ءارى بەلسەندى تۇردە ەنگىزۋ كەرەكتىگىن ەلباسى ءوز جولداۋىندا ايتتى. بۇل ورايدا تاراز عىلىمي-كلينيكالىق كارديوحيرۋرگيا جانە ترانسپلانتولوگيا ورتالىعى تەحنولوگيالاردى دامىتۋ ءىسىن قولعا الىپ وتىر. سونداي-اق مەديتسينا سالاسىنىڭ عىلىمي-زەرتتەۋ جاعىنا كوپ كوڭىل ءبولىنىپ, بىرنەشە دوكتورلىق ديسسەرتاتسيالار قورعالدى. بۇل جەردە جۇرەك, بۇيرەك سەكىلدى ادام اعزالارىن اۋىستىرۋ تاجىريبەسى دە وڭ ناتيجە بەرۋدە.
جالپى, مەديتسينا سالاسىندا الدىمىزدا تۇرعان مىندەت كوپ. حالىق ءاربىر تاجىريبەنىڭ, جەتىستىكتىڭ يگىلىگىن كورۋى كەرەك. سوندىقتان حالىقتىڭ ءومىر ءسۇرۋ ۇزاقتىعىن ارتتىرۋعا دا باسا كوڭىل بولگەن ءجون. بۇل ورايدا ەلباسىنىڭ ء«بىز كارديولوگيا, بوساندىرۋ جانە وكپە اۋرۋىمەن كۇرەسۋ كەزىندە اتقارعان ىستەرىمىز سياقتى جۇمىستاردى دا جۇرگىزۋىمىز كەرەك», دەگەن ءسوزىن نەگىزگە الا وتىرىپ, الەمدەگى وزىق تاجىريبەلەردى وزىمىزگە ەنگىزۋگە بولادى.
بۇگىنگى تاڭدا مىندەتتى الەۋمەتتىك مەديتسينالىق ساقتاندىرۋ جۇيەسىنە كەزەڭ-كەزەڭمەن كوشۋ, تەگىن مەديتسينالىق كومەكتىڭ كەپىلدىك بەرىلگەن كولەمىنىڭ جاڭا مودەلىن قۇرۋ, «قاعاز قولدانبايتىن اۋرۋحاناعا» كوشۋ ارقىلى مەديتسينالىق كومەكتىڭ قولجەتىمدىلىگى مەن تيىمدىلىگىن ارتتىرۋ ماسەلەلەرى مەديتسينا سالاسىنا وڭ سەرپىن بەرىپ قانا قويماي, حالىقتىڭ دەنساۋلىعىن نىعايتۋدا جانە ءومىر ءسۇرۋ ۇزاقتىعىن قامتاماسىز ەتۋدە ەرەكشە ءرول اتقارادى. تاعى ءبىر ماسەلە, جولداۋدا جاڭا تەحنولوگيالار ارقىلى مەديتسينالىق تاجىريبەلەر بارلىق مەديتسينالىق جوعارى وقۋ ورىندارىندا تاراتىلۋ كەرەكتىگى ايتىلدى. بۇل ورايدا ەلباسى نازارباەۆ ۋنيۆەرسيتەتتىڭ بىرەگەي مەديتسينا مەكتەبىنىڭ تاجىريبەسىن قولدانۋ كەرەكتىگىن كورسەتتى.
ەلباسى جولداۋى ونەركاسىپ پەن عىلىمدى ۇشتاستىرۋ ارقىلى ادامزات وركەنيەتىنە, ۇلت دەنساۋلىعىنا قىزمەت ىستەۋدى مىندەتتەپ وتىر.
سەيىتحان جوشىباەۆ,
«تاراز عىلىمي-كلينيكالىق كارديوحيرۋرگيا جانە ترانسپلانتولوگيا ورتالىعىنىڭ»
باس ديرەكتورى, مەديتسينا عىلىمدارىنىڭ دوكتورى, پروفەسسور
جامبىل وبلىسى
