– «يندۋستريالاندىرۋ جاڭا تەحنولوگيالاردى ەنگىزۋدىڭ كوشباسشىسىنا اينالۋى ءتيىس» دەپ اتاپ كورسەتتى ەلباسىمىز. بۇل باعىتتاعى جۇمىستى وڭتۇستىك قازاقستان وبلىسى بارىنشا جەدەلدەتەتىن بولادى. وڭىرىمىزدە 11 يندۋستريالىق ايماق پەن 1 ارنايى ەكونوميكالىق ايماقتىڭ الەۋەتىن بارىنشا ءتيىمدى جۇزەگە اسىرۋىمىز كەرەك. 2017 جىلى يندۋستريالىق ايماقتاردى دامىتۋدا 9,4 ملرد تەڭگەنى قۇرايتىن 13 جوبا جۇزەگە استى. ەندى بۇل باعىتتاعى جۇمىستاردى ودان ءارى جەتىلدىرۋگە مىندەتتىمىز. بۇگىندە قولدانىستاعى كاسىپورىنداردا جاڭا تسيفرلى تەحنولوگيالار ەنگىزىلىپ, وندىرىستەر دامۋدا. ماسەلەن, وندىرىستە زاماناۋي تەحنولوگيانى پايدالانۋ ارقىلى اتموسفەراعا كەتەتىن زالالدى تومەندەتىپ, ءوندىرىس تسيكلىنىڭ ۋاقىتى مەن ەنەرگيا شىعىنىن ازايتقان دۇرىس. بۇل ونىمدىلىكتى ەسەلەپ, ارتتىرادى دەگەن ءسوز.
ەلباسىنىڭ ەكىنشى قويىپ وتىرعان مىندەتى – «رەسۋرستىق الەۋەتتى ودان ءارى دامىتۋ». پرەزيدەنت بۇل سالادا تابيعي رەسۋرستاردى ءتيىمدى پايدالانىپ, ەنەرگيا كوزدەرىن تابۋ مەن ۇنەمدەۋگە ۇندەپ وتىر. وڭىرىمىزدە بۇل باعىتتا دا جۇمىستار ەكسپو-2017 حالىقارالىق كورمەسىنەن كەيىن بەلسەندى تۇردە قولعا الىنعانىن بىلەسىزدەر. وتكەن جىلدىڭ وزىندە سايرام, قازىعۇرت اۋداندارىندا گيدروەلەكتر ستانسالارى ىسكە قوسىلدى. سونىمەن بىرگە شىمكەنت قالاسىندا كارىز سۋ قالدىقتارىنان بيوگاز الاتىن ورتالىق ازيادا بالاماسى جوق كەشەن پايدالانۋعا بەرىلدى. مۇنىڭ ءبارى مەملەكەتتىڭ قولداۋى ارقاسىندا جۇزەگە اسىپ وتىر. قازىرگى ۋاقىتتا وبلىسىمىزدىڭ بىرنەشە اۋداندارىندا شەتەل ينۆەستورلارىمەن بىرلەسىپ كۇننەن ەلەكتر ەنەرگياسىن وندىرەتىن نىسانداردىڭ قۇرىلىسى جۇرگىزىلۋدە. جاسىل ەكونوميكانى دامىتۋ بويىنشا وبلىستا جۇزەگە اسىرىلاتىن 26 جوبا ەندى جاڭا باعىتتا قارقىن الاتىن بولادى, – دەدى وبلىس اكىمى.
جولداۋداعى ءۇشىنشى مىندەت «اقىلدى تەحنولوگيالار» – اگروونەركاسىپ كەشەنىن قارقىندى دامىتۋ مۇمكىندىگى» بولىپ وتىرعانىن ايتقان وبلىس اكىمى اگرارلىق ايماق وڭتۇستىك قازاقستان ەلىمىز بويىنشا اۋىل شارۋاشىلىعى سالاسىندا وزىق تەحنولوگيالاردى قولدانۋدا كوش باسىندا تۇرعانىن اتاپ ءوتتى.
ماسەلەن, تامشىلاتىپ سۋارۋ ءادىسى 7,5 مىڭ گەكتار جەرگە ەندىرىلىپ, جالپى كولەمى 58,5 مىڭ گەكتارعا جەتتى. بۇل رەسپۋبليكالىق ۇلەستىڭ 72 پايىزىن قۇراپ وتىر. ال قارقىندى باۋدىڭ كولەمى 2,8 مىڭ گەكتارعا جەتىپ وتىر. ينتەنسيۆتى باق, تامشىلاتىپ سۋارۋ, جىلىجايلار باعىتتارىندا وزىق تەحنولوگيالار ەنگىزۋ ارقىلى ونىمدىلىكتىڭ جوعارى دەڭگەيىنە جەتىپ وتىرمىز. بيىل دا جاڭا تەحنولوگيالار ەنگىزۋ بويىنشا جۇمىستار جۇيەلى تۇردە اتقارىلاتىن بولادى. ال مەملەكەت باسشىسى ايتقان ءتورتىنشى باعىت, ياعني كولىك-لوگيستيكا ينفراقۇرىلىمىنىڭ تيىمدىلىگىن ارتتىرۋ بويىنشا بەرگەن مىندەتتەمەسىن جۇزەگە اسىرۋدا وڭتۇستىكتىڭ مۇمكىندىگى مول ەكەنى وزدەرىڭىزگە ايان. ماسەلەن, «جاڭا يندۋستريالاندىرۋ: قازاقستاندىق بارىستىڭ قادامى» جالپىۇلتتىق تەلەكوپىر بارىسىندا شىمكەنت قالاسىندا ورنالاسقان كولىك-لوگيستيكالىق ورتالىعىندا ا+ ساناتىنداعى كەشەن ىسكە قوسىلعان بولاتىن. «باتىس ەۋروپا – باتىس قىتاي» ماگيسترالى مەن تەمىر جول جەلىسىنە جاقىن ورنالاسقان جاڭا كولىك-لوگيستيكالىق ورتالىقتىڭ گەوگرافيالىق تۇرعىدان ءتيىمدى ورنالاسۋىندا. بۇل ءوڭىردى كولىك-لوگيستيكالىق حاب رەتىندە قالىپتاستىرۋعا جانە قازاقستان اۋماعى ارقىلى اينالىمدى ۇلعايتۋعا ىقپال ەتەدى. قازىرگى كەزدە جالپى اۋماعى 92 گەكتاردى قۇرايتىن «وڭتۇستىك» كولىك-لوگيستيكالىق ورتالىعىندا ينۆەستيتسيا قۇنى 35,6 ملرد تەڭگە بولاتىن 8 جوبا جۇزەگە اسىرىلۋدا. اۋماعى 242 500 شارشى مەتردى قۇرايدى. مۇندا كەدەندىك رەسىمدەۋ, فيتوسانيتارلىق جانە ۆەتەرينارلىق باقىلاۋ قىزمەتتەرى ء«بىر تەرەزە» قاعيداتىمەن جۇرگىزىلسە, بۇعان قوسا ۋاقىتشا ساقتاۋ قىزمەتى دە قاراستىرىلعان, دەدى اكىم.
قازاقستاندىقتاردىڭ ەڭ وزەكتى الەۋمەتتىك پروبلەماسى – باسپانا. سوندىقتان دا ەلباسى ءوزىنىڭ جولداۋىندا تۇرعىن ءۇي قۇرىلىسى سالاسىنا ەرەكشە نازار اۋدارىپ وتىر. ج.تۇيمەباەۆ بيىل وڭتۇستىكتە 245 كوپ قاباتتى تۇرعىن ءۇيدىڭ قۇرىلىسى ءجۇرزىلىپ, ونىڭ 91-ءى, ياعني 4 733 پاتەر پايدالانۋعا بەرىلگەنىن جەتكىزدى. سونداي-اق اكىم وتكەن جىلى باستالعان 154 كوپ قاباتتى تۇرعىن ءۇيدىڭ قۇرىلىسىنان بولەك, وسى جىلى تاعى دا 100 كوپ قاباتتى ءۇي سالىنا باستايتىنىن ايتتى.
دامۋدىڭ 10 باعىتىن ايقىنداعان ەلباسى جولداۋى جاڭا ماقساتتارعا جەتەلەيتىن ەڭ باستى قۇجات بولىپ تابىلاتىنىن جەتكىزگەن ءوڭىر باسشىسى ساياسي قۇجاتتى ءتۇسىندىرۋ جانە ناسيحاتتاۋ جۇمىستارى بويىنشا جەلىلىك كەستە, مەديا-جوسپار جاساۋدى تاپسىردى. سونىمەن قاتار اكىم بارلىق دەڭگەيدەگى اكىمدەر مەن حالىق قالاۋلىلارىن, ارداگەرلەر جانە قوعامدىق ۇيىمدار مەن سالا بەلسەندىلەرىن حالىق اراسىندا ناسيحاتتاۋ جۇمىستارىنا, نەگىزگى باسىمدىقتارىنىڭ جوعارى دەڭگەيدە جۇزەگە اسىرىلۋىنا بەلسەندى اتسالىسۋعا شاقىردى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
