اكتيۆ ماجىلىسىنە وبلىس اكىمىنىڭ ورىنباسارلارى, وبلىستىق جانە اقتاۋ قالالىق ءماسليحاتتارىنىڭ دەپۋتاتتارى, قالالار مەن اۋداندار ءماسليحاتتارىنىڭ حاتشىلارى, قۇقىق قورعاۋ ورگاندارىنىڭ, وبلىستىق جانە اۋماقتىق مەملەكەتتىك ورگاندار مەن ءىرى كاسىپورىنداردىڭ باسشىلارى, قۇرمەتتى ازاماتتار مەن ارداگەرلەر, ساياسي پارتيالاردىڭ جەتەكشىلەرى, ەتنومادەني بىرلەستىكتەر, ۇكىمەتتىك ەمەس ۇيىمدار, بۇقارالىق اقپارات قۇرالدارىنىڭ وكىلدەرى جəنە جاستار قاتىستى.
جيىن اشىلۋىندا وبلىس اكىمى ەرالى توعجانوۆ بيىلعى جولداۋدىڭ نەگىزگى 10 باعىتى بويىنشا ماڭعىستاۋ وڭىرىندە تۋىندايتىن مىندەتتەردى اتاپ ءوتتى.
اكتيۆ جيىنىندا ءسوز سويلەگەن «اگروروست» قوعامدىق بىرلەستىگىنىڭ توراعاسى نۇرساۋلە جايىنباەۆا ماڭعىستاۋ وبلىسىندا اۋىلشارۋاشىلىق, اگرارلىق سەكتورعا قاتىستى جاڭا جۇمىستاردىڭ باستالاتىنىن ايتسا, ماڭعىستاۋ وبلىستىق اۋرۋحاناسىنىڭ ۆيدەوەندوسكوپيالىق حيرۋرگيا ءبولىمىنىڭ مەڭگەرۋشىسى, مەديتسينا عىلىمدارىنىڭ كانديداتى تالعات مۇقانتاەۆ وبلىستاعى ەندوسكوپيالىق حيرۋرگيانىڭ احۋالى جانە جولداۋ اياسىندا كەلەشەكتە اتقارىلۋى ءتيىس جۇمىستار جونىندە تۋرالى باياندادى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
