وسىعان وراي, ماڭعىستاۋ وبلىسىنىڭ اكىمى ە.ل.توعجانوۆ, سونىمەن قاتار, وبلىس اكىمىنىڭ ورىنباسارلارى, مەملەكەتتىك مەكەمە باسشىلارى, قالا ارداگەرلەرى, بەلسەندى جاستار مەن باق وكىلدەرى الدىندا اقتاۋ قالاسىنىڭ اكىمى ع.م.نيازوۆ الەۋمەتتىك دامۋ بويىنشا «اقتاۋ سەرپىنى» اتتى جاڭا جوبانى تانىستىردى.
جوبا ماقساتى – قالا تۇرعىندارىنىڭ ءومىر ساپاسىن زامان تالاپتارىنا ساي جاقسارتۋ, تۇراقتى ەكونوميكالىق دامۋ, باسەكەگە قابىلەتتىلىكتى قامتاماسىز ەتۋ.
اتالعان جوبا نەگىزگى 4 ستراتەگيالىق باعىتقا باسىمدىق بەرىپ وتىر.
ءبىرىنشى, ادامي كاپيتالدى دامىتۋ. سونىڭ ىشىندە: ءبىلىم بەرۋ, دەنساۋلىق ساقتاۋ, دەنە شىنىقتىرۋ جانە سپورت سالالارىن جاقسارتۋ;
ەكىنشى, قالادا تىرشىلىك ەتۋ ورتاسىن ساپالىق تۇرعىدان جاقسارتۋ. ترانسپورت, تۇرعىن ءۇي پروبلەمالارىن شەشۋ. اۋماقتاردى جانە ينفراقۇرىلىمداردى دامىتۋ.
ءۇشىنشى, قالانىڭ باسەكەلەستىك مۇمكىندىكتەرىن پايدالانۋ. يننوۆاتسيالىق تەحنولوگيالاردى, جاڭا ءوندىرىس ورىندارىن ەنگىزۋ.
ءتورتىنشى, «اقىلدى قالا» ەلەمەنتتەرىن ەنگىزۋ, قايىرىمدىلىقتى قولداۋ, مەملەكەتتىك قىزمەتتەردىڭ ساپاسىن جاقسارتۋ ارقىلى باسقارۋدىڭ تيىمدىلىگىن ارتتىرۋ.
وبلىس اكىمى ءوز سوزىندە اقتاۋ مەن وبلىستاعى بارلىق جاڭا جوبانى ەلباسى نۇرسۇلتان نازارباەۆتىڭ جاڭا جولداۋىندا ايتىلعان باعىتتارعا سايكەس قاراستىرۋ كەرەكتىگىن ايتتى.
ەلباسى نۇرسۇلتا نازارباەۆ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا يندۋستريالاندىرۋ جاڭا تەحنولوگيالاردى ەنگىزۋدىڭ كوشباسشىسىنا اينالدىرۋ, رەسۋرستىق الەۋەتتى ودان ءارى دامىتۋ.
«اقىلدى تەحنولوگيالار» – اگروونەركاسىپ كەشەنىن قارقىندى دامىتۋ,
كولىك-لوگيستيكا ينفراقۇرىلىمىنىڭ تيىمدىلىگىن ارتتىرۋ, قۇرىلىسقا جانە كوممۋنالدىق سەكتورعا زاماناۋي تەحنولوگيالاردى ەنگىزۋ,
قارجى سەكتورىن «قايتا جاڭعىرتۋ», ادامي كاپيتال – جاڭعىرۋ نەگىزى, ءتيىمدى مەملەكەتتىك باسقارۋ, جەمقورلىقپەن كۇرەس جانە زاڭنىڭ ۇستەمدىگى,
«اقىلدى قالالار» «اقىلدى ۇلت» ءۇشىن سەكىلدى بىرنەشە ناقتى باعىتتى اتاپ ءوتتى.
بۇل 10 باعىتتىڭ ءبارى دە اقتاۋ قالاسىنا تىكەلەي قاتىستى. ەلىمىزدىڭ ساياسي تۇراقتىلىعى مەن جالپى قوعامدىق كەلىسىمدىك باعىتىن ودان ءارى نىعايتۋ ءۇشىن, ءسوز جوق, الدىمەن ەكونوميكالىق ماسەلەلەر مەن قازىرگى قوعامداعى ناقتى الەۋمەتتىك سۇراقتاردى بىرگە قاراستىرىپ شەشۋىمىز قاجەت. وسىعان بايلانىستى قالا اكىمىنە بىرنەشە تاپسىرما جۇكتەلدى. قالانىڭ باس جوسپارىن قايتا قاراستىرۋى كەرەك», - دەدى وبلىس اكىمى ەرالى توعجانوۆ.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
