مۇنداي مەكەمە بۇگىنگە دەيىن ەلىمىز بويىنشا تەك استانا قالاسىندا عانا بولىپ كەلسە, ەندى شىمكەنتتە دە جۇمىسىن باستادى. بۇعان اسىرەسە كەزەكتە تۇرىپ, ەلورداعا سابىلىپ شارشايتىن اتا-انالار ايرىقشا قۋانۋدا. قوس ورتالىقتىڭ جۇمىسىمەن تانىسقان وڭتۇستىك قازاقستان وبلىسىنىڭ اكىمى جانسەيىت تۇيمەباەۆ مۇنداي مەكەمەلەر بالالار اراسىنداعى مۇگەدەكتىكتى تومەندەتەتىنىنە سەنىم ءبىلدىردى.
«وبلىسىمىزدا بۇگىنگە دەيىن تسەرەبرالدى ءپاراليچى دياگنوزى بار بالالاردى ەمدەيتىن ارنايى مەكەمە بولماعان. جالپى وڭىرىمىزدە نەۆرولوگيالىق اۋرۋلارمەن 3 جاسقا دەيىنگى 2 مىڭعا جۋىق بالا ەسەپتە تۇرادى. ولار بۇعان دەيىن رەابيليتاتسيالىق ەم الۋ ءۇشىن استانا قالاسىنداعى وڭالتۋ ورتالىعىنا بارۋعا ءماجبۇر ەدى. بۇل ناۋقاس بالالاردىڭ اتا-انالارىنا ايتارلىقتاي قيىندىق تۋدىرىپ كەلدى. وسى ماسەلەلەردى تالداي كەلە, اۋرۋ بالالاردى ۋاقىتىلى, كەشەندى, جۇيەلى رەابيليتاتسيامەن تولىق قامتۋعا باعىتتالعان ورتالىقتار اشۋ قاجەتتىلىگى تۋىندادى. جۇيەلى جۇمىستاردىڭ ناتيجەسىندە بۇگىن مىنە, ەكى بىردەي مەكەمە پايدالانۋعا بەرىلىپ وتىر», - دەدى جانسەيىت قانسەيىت ۇلى.
ورتالىقتىڭ ءبىرى 3 جاسقا دەيىنگى بۇلدىرشىندەرگە, ال ەكىنشىسى 15 جاسقا دەيىنگى نەۆرولوگيالىك اۋرۋلارمەن اۋىراتىن جەتكىنشەكتەردى ەمدەيدى. 100 ورىندىق قوس ورتالىق تا رەابيليتاتسيالىق ەم الۋعا قاجەتتى روبوتتاندىرىلعان «LOKOSTATION» قۇرىلعىسىمەن جابدىقتالعان. بۇل اپپارات 4 جاسار تسەرەبرالدى پاراليچىمەن اۋىراتىن بالالارعا قولدانىلادى. قوندىرعىدا جاسالعان جاتتىعۋلار جۇرۋگە قاجەتتى بارلىق بۇلشىق ەتتەر مەن مي قىرتىسىنىڭ دۇرىس قالىپتاسۋىنا كومەكتەسىپ, ناۋقاستىڭ تەز وڭالۋىنا ىقپال جاسايدى. ءاربىر ورتالىقتا جىلىنا 3200 بالانى جوسپارلى تۇردە وڭالتۋدان وتكىزۋگە مۇمكىندىك قاراستىرىلعان.
قوس ورتالىقتىڭ مۇمكىندىكتەرىمەن تانىسقان ءوڭىر باسشىسى الداعى ۋاقىتتا مەكەمەنىڭ ماماندارىن الىس-جاقىن شەت ەلدەرگە جىبەرىپ, كاسىبي بىلىكتىلىگىن ارتتىرۋ جوسپارلانىپ وتىرعانىن جەتكىزدى. وسى باستامانىڭ نەگىزىندە جاقىن كۇندەرى گەرمانيادان حالىقارالىق جاتتىقتىرۋشىلار كەلىپ, قوس ورتالىقتىڭ ماماندارىنا ناۋقاستىڭ تىرەك-قيمىل قوزعالىسىن قالپىنا كەلتىرۋ بويىنشا سەمينار ترەنينگتەر وتكىزبەك.
