پرەمەر-مينيستر ءوز سوزىندە ءبىلىم ۇيىمدارىنان, جەرگىلىكتى اتقارۋشى ورگانداردان, ستاتيستيكالىق باقىلاۋدان الىناتىن مالىمەتتەردىڭ بارلىعى ەنگىزىلەتىن ءبىلىمنىڭ بىرىڭعاي اقپاراتتىق جۇيەسى جۇمىس ىستەپ تۇرعانىن ەسكە سالدى.
«قر بعم بۇعان دەيىن اقپاراتتىق جۇيە - ۇلتتىق ءبىلىم مالىمەتتەر بازاسىن قۇردى. اتالمىش اقپاراتتىق جۇيە تۇراقتى تۇردە جاڭارتىلىپ وتىرادى. 2018 جىلدىڭ سوڭىنا دەيىن اتالعان اقپاراتتىق جۇيەنى تۇرلەندىرۋ اياسىندا 0-18 جاستاعى بالالاردىڭ ەسەپ جۇيەسىن ەنگىزۋ جوسپارلانىپ وتىر. وسى جۇيە ارقىلى بالالاردىڭ ءبىلىم سالاسىنداعى, الەۋمەتتىك كومەك جانە وزگە دە قاجەتتىلىكتەرى قامتاماسىز ەتىلەدى», - دەلىنگەن دەپۋتاتتىق ساۋالدىڭ جاۋابىندا. ۇكىمەت باسشىسى ادىلەت, بعم, ەڭبەك جانە الەۋمەتتىك قورعاۋ مينيسترلىكتەرىنىڭ اراسىنداعى بالالاردى تىركەۋ بويىنشا اقپاراتتىق جۇيە ءۇشىن 0-18 جاستاعى بالالار تۋرالى مالىمەت اي سايىن ءوزارا الماستىرىلىپ تۇراتىنىن حابارلايدى.
«وسىعان بايلانىستى بالالاردى تىركەۋدىڭ بىرىڭعاي اقپاراتتىق بازاسىن قر بعم ۇلتتىق ءبىلىم مالىمەتتەر بازاسىن جەتىلدىرۋ جولى بويىنشا قۇرىلادى», - دەيدى ول. ەسكە سالا كەتسەك, بۇدان بۇرىن زاعيپا باليەۆا ءماجىلىس وتىرىسىندا جوعارىدا اتالعان ۇسىنىستى بىلدىرگەن بولاتىن.
ء«بىزدىڭ ەلىمىزدە 5,5 ميلليون بالا بار. بۇگىنگى كۇنى مەملەكەتتىڭ بالالاردىڭ بارلىق جاعدايىن جاساۋعا مۇمكىندىگى بار. وسى ماسەلەلەردى شەشۋ ءۇشىن مەنىڭشە, قازاقستاندا بالالاردى تىركەۋدىڭ بىرىڭعاي بازاسى قۇرۋ جۇمىسى وتە ماڭىزدى دەپ ويلايمىن. ونى ۇلتتىق بازاعا ەنگىزىپ, وسى بازاعا جاۋاپ بەرەتىن مەملەكەتتىك ورگان قۇرىلۋى كەرەك», - دەگەن ەدى زاعيپا باليەۆا.
