پارتيا مۇشەلەرى قوعامدىق قابىلداۋلار كەزىندە ەل-جۇرتتى تولعاندىرىپ جۇرگەن الەۋمەتتىك-تۇرمىستىق ماسەلەلەردىڭ شەشىمىن تابۋعا ۇمتىلادى. مۇندايدا ۋاقىت سوزىلىپ كەتسە نەمەسە بەرىلگەن ۋادە, ايتىلعان ءسوز سول كۇيىندە قالىپ قويسا ەڭ بىرىنشىدەن پارتيانىڭ ابىرويىنا نۇقسان كەلۋى مۇمكىن. سوندىقتان دا فيليالدا ءسوز بەن ءىستىڭ اراسىندا الشاقتىق بولماۋىن كوزدەيتىن ويلاۋ جۇيەسى ورنىققان.
وڭىردەگى «نۇر وتان» پارتياسى مۇشەلەرىنىڭ باسىم بولىگىن ەكونوميكالىق جاعىنان بەلسەندى قىزمەت اتقارا الاتىندار قۇرايدى. ولاردىڭ ءبارى دە ايماقتىڭ الەۋمەتتىك-ەكونوميكالىق جانە قوعامدىق-ساياسي ومىرىنە بەلسەنە ارالاسىپ ءجۇر. تاۋەلسىزدىك تاڭىمەن بىرگە ەرە كەلگەن ەركىن ويلاۋ جۇيەسى, قوعامدىق قۇندىلىقتارعا جاڭاشا كوزقاراس فيليال قىزمەتىنىڭ مازمۇن جاعىنان دا, ءتۇر جاعىنان دا تولىعا تۇسۋىنە اسەرىن تيگىزگەنى بايقالادى. مۇنداعى تاعى ءبىر وڭ باعىت – «نۇر وتاننىڭ» قاتارىندا تەك ەڭ لايىقتىلار بولۋى كەرەك دەگەن ۇستانىمنىڭ ۇستەم ءتۇسىپ وتىرعانى. ارينە جىل سايىن بەلگىلى ءبىر مولشەردە پارتيا مۇشەلەرىنىڭ قاتارىن تولىقتىرىپ وتىرۋ كەرەك-اق. الايدا بۇل ءتارتىپ پەن تالاپ ونىڭ ساپالىق قۇرامىنا اسەرىن تيگىزبەۋى ءتيىس.
ەلدىڭ ەرتەڭى – جاستار. بۇگىنگى تاڭدا «نۇر وتان» پارتياسى باستاماشى بولىپ جۇرگەن ەلدىك ماسەلەلەردى ەرتەڭگى كۇنگە جالعايتىن دا بۇگىنگى ۇرپاق وكىلدەرى. سوندىقتان دا وبلىستىق فيليال پارتيا قاتارىن جاستار ەسەبىنەن وسىرۋگە كوڭىل ءبولىپ وتىر. وسى ورايدا «نۇر وتان» پارتياسىنىڭ قۇرامىنا جاڭادان قابىلدانعان جاستاردىڭ ءبىرى, م.وسپانوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ءتورتىنشى كۋرس ستۋدەنتى نيكيتا كاپيتسىن «نۇر وتان» پارتياسىنىڭ قاتارىنا قابىلدانۋ زور سەنىم, ۇلكەن جاۋاپكەرشىلىك, بولاشاققا ايقىن باعدار ەكەنىن جەتكىزدى. ال شالقار اۋداندىق مۇراجايى جانىنداعى باستاۋىش پارتيا ۇيىمىنىڭ ءتورايىمى ناعيما تىلەنبيەۆا پارتيانىڭ باستى تىرەگى – باستاۋىش ۇيىمدار, ەگەر مۇنداعى ءىس جۇيەلى جولعا قويىلسا, بۇل جاعداي تۇتاستاي نۇروتاندىقتار جۇزەگە اسىراتىن سان قىرلى باعدارلامالاردىڭ بايىپتى ءارى باياندى بولا بەرۋىنە اسەرىن تيگىزەدى, دەيدى.
تەمىر قۇسايىن,
«ەگەمەن قازاقستان»
اقتوبە
