سەناتورلار اۋدان ورتالىعىنداعى قازاق تىلىندە ءبىلىم بەرەتىن مەكتەپتى جاڭارتۋ جۇمىستارىنىڭ بارىسىمەن تانىستى. ءبىلىم ۇياسىن جاڭارتۋ جونىندەگى جوبانى ىسكە اسىرۋ ەكى جىلعا جوسپارلانعان بولاتىن. دەپۋتاتتار دەنە شىنىقتىرۋ-ساۋىقتىرۋ كەشەنىندە بولعان كەزدە جاتتىعۋ بولمەلەرى مەن سپورتزالدى جانە باسسەيندى ارالاپ كوردى. ر. اكىموۆ دەنە شىنىقتىرۋ جانە سپورتپەن اينالىسۋعا اۋىل تۇرعىندارىن تارتۋدىڭ ماڭىزدىلىعىن ايتا كەلىپ, كەشەن جۇمىسىنا وڭ باعا بەردى.
اۋدان اكتيۆىمەن كەزدەسۋدە سەناتورلار پارلامەنتتىڭ وتكەن جىلعى زاڭ شىعارۋ جۇمىسىنىڭ قورىتىندىلارى تۋرالى حاباردار ەتتى. د. ادىلبەكوۆ دەپۋتاتتار بەكىتكەن 2018-2020 جىلدارعا ارنالعان رەسپۋبليكالىق بيۋدجەتتىڭ نەگىزگى شىعىستارى الەۋمەتتىك سالاعا باعىتتالعانىن اتاپ ءوتتى. دەپۋتاتتىڭ پىكىرىنشە, قارجىلاندىرۋدىڭ 45 پايىزعا جۋىعى ادام كاپيتالىن دامىتۋعا ارنالىپ وتىر. تاياۋدا قابىلدانعان جاڭا سالىق كودەكسىنىڭ ەرەكشەلىكتەرى تۋرالى دا جان-جاقتى ايتىلدى.
شاراعا قاتىسۋشىلار دەپۋتاتتارعا بىرقاتار ساۋالدار قويىپ, ۇسىنىستار ايتتى. سەناتورلار كەزدەسۋدە ايتىلعان ۇسىنىستاردى زاڭ شىعارۋ جۇمىستارى بارىسىندا نازارعا الاتىن بولادى.
