بيىلعى جىلى گازداندىرۋ بويىنشا اتقارىلعان جۇمىستاردىڭ ناتيجەسىندە جىل سوڭىندا 59 نىسان ەل يگىلىگىنە تاپسىرىلعان. ونىڭ ىشىندە 70مىڭعا جۋىق حالىق مەكەندەيتىن 44 ەلدى مەكەن «كوگىلدىر وتىننىڭ» قىزىعىن كورە باستايدى. وسىلايشا, تابيعي گازبەن قامتۋ كورسەتكىشى 2018 جىلدىڭ 1قاڭتارىندا 344 ەلدى مەكەنگە جەتپەك. بۇل دەگەنىمىز وبلىستىڭ 1 ملن 825 307 تۇرعىنى گازبەن قامتىلماق. وسى جىلى قۇرىلىسى جۇرگەن قالعان نىساندار جەتكىزگىش گاز قۇبىرلارى مەن اگتس-تەر بولىپ وتىر. بۇل كورسەتكىش وتكەن 2016 جىلمەن سالىستىرعاندا 17 پايىزعا وسكەن.
ايتا كەتەيىك, ءوڭىر باسشىسى جانسەيىت تۇيمەباەۆتىڭ تاپسىرماسىمەن وبلىستىڭ ەلدى مەكەندەرىن 2017-2021 جىلدار ارالىعىندا گازداندىرۋدىڭ كەشەندى ءىس-شارا جوسپارى ازىرلەنگەن بولاتىن. وسىعان سايكەس 2021 جىلى وبلىستا قوسىمشا 383 ەلدى مەكەنگە تابيعي گاز جەتكىزۋ جوسپارلانۋدا.
بۇدان بولەك, وبلىستىڭ ەكونوميكاسىنىڭ بارلىق سەكتورلارىن تابيعي گازبەن 2050 جىلدارعا دەيىن قامتاماسىز ەتۋ ماقساتىندا 15 اۆتوماتتاندىرىلعان گاز تاراتۋ ستانتسيالارىنىڭ (اگتس) قۇرىلىستارى دا كىرىپ وتىر. ونىڭ تورتەۋى تۇركىستان, يقان, سايرام, بايدىبەك اۋدان-قالالارىندا ەل يگىلىگىنە بەرىلگەن. ءۇش اۆتوماتتاندىرىلعان گاز تاراتۋ ستانتسيالارىنىڭ قۇرىلىسى جىل سوڭىنا دەيىن اياقتالادى دەپ كۇتىلۋدە.
