بۇگىنگە دەيىن 491 عيماراتتىڭ قولجەتىمدىلىگىن قامتاماسىز ەتۋ جۇمىستارى (مادەني, سپورت, دەنساۋلىق, شاعىن جانە ورتا بيزنەس) جۇرگىزىلدى, ونىڭ ىشىندە حالىقتىڭ از عانا توبىن الەۋمەتتىك جانە ترانسپورت قۇرالدارىمەن قامتاماسىز ەتۋ بويىنشا 283 نىسان بار.
2017 جىلى عيماراتتاردى بەيىمدەۋ كەستەسى وڭدەلىپ, بەكىتىلگەن بولاتىن, جوسپارعا جىل بويى 774 نىسان («الماتى» اۋدانى اۋماعىندا – 248, «سارىارقا» – 327, «ەسىل» - 199) ەنگىزىلگەن.
ونداعى باستى ماقسات – مۇمكىندىگى شەكتەۋلى جاندار ءۇشىن كەدەرگىسىز ورتا قالىپتاستىرۋ.
بازاداعى مالىمەتكە سۇيەنسەك, بۇگىندە استانادا 23 069 مۇمكىندىگى شەكتەۋلى تۇلعا تىركەلگەن, ونىڭ 4 379-ى بالالار.
جىل باسىنان 12 153 مۇمكىندىگى شەكتەۋلى ادام (مۇگەدەكتەردى وڭالتۋدىڭ جەكە باعدارلاماسىنا سايكەس) وڭالتۋ قىزمەتىمەن تولىق قامتىلدى, اتاپ ايتقاندا پروتەز-ورتوپەديالىق كومەك, تيفلو, سۋردو جانە گيگيەنالىق قۇرالدار, كرەسلو-اربالار, جەكە كومەكشى قىزمەتى «ينۆاتاكسي» تاسىمالداۋ جانە ت.ب. قىزمەتى.
