– «قورعاس-شىعىس قاقپاسى» اەا جوباسى تۋرالى ايتىپ بەرسەڭىز؟ قانداي نەگىزگى اۋماقتاردى ءبولىپ قاراۋعا بولادى, ولار قانداي ماقساتتا پايدالانۋعا ارنالعان؟
– «قورعاس-شىعىس قاقپاسى» اەا قازاقستاننىڭ ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسى اياسىندا قازاقستان رەسپۋبليكاسى پرەزيدەنتىنىڭ 2011 جىلى 29 قاراشاداعى جارلىعىمەن قۇرىلدى. «نۇرلى جول» باعدارلاماسى اياسىندا «قتج» ۇك» اق جۇزەگە اسىرىپ جاتقان «قورعاس-شىعىس قاقپاسى» اەا جوباسى قازاقستاننىڭ ترانزيتتىك-كولىك الەۋەتىن دامىتۋعا قۋاتتى سەرپىن بەرەدى جانە جاڭا جىبەك جولىنىڭ ەكونوميكالىق بەلدەۋىن تولىق قالىپتاستىرۋعا مۇمكىندىك بەرەدى.
«قورعاس-شىعىس قاقپاسى» اەا ءبىرىنشى كەزەكتە, كەدەن وداعى ەلدەرى ءۇشىن جانە ودان ءارى ەۋروپا, قحر, ورتالىق ازيا, تۇركيا جانە پارسى شىعاناعى ەلدەرىنىڭ نارىعىنا ەكسپورت جاسالاتىن پەرسپەكتيۆالى ديستريبۋتسيالىق ورتالىق رەتىندە قاراستىرىلادى.
جوبانىڭ جالپى الاڭى 4591,5 گا. «قورعاس-شىعىس قاقپاسى» اەا قۇرامىنا: قۇرعاق پورت (129,8 گا); لوگيستيكالىق ايماق (224,9 گا); يندۋستريالىق ايماق (224,4 گا); رەزەرۆتىك ايماق 4 012,4 گا كىرەدى.
«قورعاس-شىعىس قاقپاسى» اەا نەگىزگى ەلەمەنتى تاۋاردى تار تاباندى تەمىر جول جەلىسىنەن كەڭ جەلىدەگى ۆاگوندارعا جانە اۆتوكولىكتەرگە تيەۋگە ارنالعان قۇرامىنا بىرنەشە تەرمينالدار كىرەتىن قۇرعاق پورت بولىپ تابىلادى. قۇرعاق پورت باجسىز اۋماق شەگىندە ورنالاسقان جانە جەكەلەگەن 5 وپەراتورعا قىزمەت كورسەتەتىن قۋاتى بار. قۇرعاق پورت 129,8 گا الاڭعا ورنالاسقان, مۇندا 6 تارماق تەمىر جول توسەلگەن, ونىڭ ىشىندە 3-ەۋى قىتايلىق ەنسىز جانە ۇشەۋى قازاقستاندىق كەڭ جول. ول وپەراتسيالىق راسىمدەر تۇرعىسىنان, جۇمىس ورىندارىن جانە تەرمينالداردى باعدارلامالىق قامتاماسىز ەتۋ جاعىنان قۇرعاق پورتتاردىڭ حالىقارالىق ستاندارتتارىنا سايكەس كەلەدى.
قۇرعاق پورتتىڭ وپەراتورى «KTZE-KhorgosGateway» جشس بولىپ تابىلادى. «قازاقستان تەمىر جولى» ۇلتتىق كومپانيا» اق ء«بىر بەلدەۋ – ءبىر جول» حالىقارالىق ىنتىماقتاستىق فورۋمى اياسىندا COSCO Shipping كورپوراتسياسىمەن جانە ليانيۋنگان پورتى كومپانيالارىنىڭ توبىمەن «قورعاس-شىعىس قاقپاسى» ارنايى ەكونوميكالىق ايماعىن (اەا) بىرلەسىپ دامىتۋ تۋرالى ينۆەستيتسيالىق كەلىسىمگە قول قويعان. قىتايلىق ينۆەستورلار قۇرعاق پورت وپەراتورىنا قاتىسۋ ۇلەسىنىڭ 49% ساتىپ الۋدى بىرلەسىپ جۇزەگە اسىردى.
يندۋستريالىق اۋماق ناقتى ءبىر ءوندىرىس جانە قىزمەتتەر ۇسىنۋ سالاسىندا ماماندانعان ينۆەستورلاردى تارتۋعا قاتىسادى. ماسەلەن, وندىرىستىك پروتسەستە قوسىمشا قۇنى جوعارى ءونىمدى وندىرەتىن كومپانيالار ءۇشىن يندۋستريالىق ايماق تارتىمدى. مۇنداي ءونىمدى تۇپكى تۇتىنۋشىلار يندۋستريالىق ايماقتا بولادى. بىرقاتار سالالارداعى سوڭعى پايدالانۋشىلار يندۋستريالىق ايماقتا, جەڭىل ونەركاسىپ اۋماقتارىندا ورنالاسادى. سونىمەن قاتار بۇل سالا وندىرىسكە, تاۋارلاردى قىسقا مەرزىمدە جانە ۇزاق مەرزىمدە ساقتايتىن عيماراتتارعا قىزمەت كورسەتەتىن بولادى. بۇل يندۋستريالىق ايماق ءبىر باعىتتاعى وبەكتىلەردى جيناۋعا لايىقتى ارنايى وبلىستى قالىپتاستىرادى دەپ كۇتىلۋدە.
لوگيستيكالىق اۋماعى كوپ فۋنكتسيالى قويمالىق عيماراتتار كەشەندەرى, تاۋارلاردى سۇرىپتاۋ جانە ساقتاۋ وبەكتىلەرى رەتىندە قۇرىلىس جانە وسىنداي جوبالاردى ىسكە اسىرۋعا مۇمكىندىك بەرەدى. بولجام بويىنشا, لوگيستيكالىق قىزمەت كورسەتۋگە دەگەن سۇرانىس ساۋدا اعىنىنىڭ وسۋىنە, سونداي-اق ونەركاسىپ قاجەتتىلىكتەرىن قاناعاتتاندىرۋ ءۇشىن تاۋەلسىز لوگيستيكالىق سالانىڭ دامۋىنا نەگىزدەلگەن.
– بۇل جوبانىڭ قازاقستانداعى باسقا اەا-دان قانداي ايىرماشىلىقتارى مەن ارتىقشىلىقتارى بار؟
– «قورعاس-شىعىس قاقپاسى» اەا لوگيستيكالىق اەا بولىپ تابىلادى. لوگيستيكالىق اەا – بۇل قازاقستان اۋماعىندا قۇرىلعان, مەملەكەتتىك شەكارا ارقىلى وتكىزۋ پۋنكتىنە ىرگەلەس ورنالاسقان ارنايى ەكونوميكالىق ايماق. وتكىزۋ پۋنكتى اۆتوموبيل كولىگى ءۇشىن نەمەسە قازىرگىدەي جاعدايدا, «التىنكول» تەمىر جول ستانساسىنداعىداي وتكىزۋ پۋنكتى بولۋى مۇمكىن.
ءبىرىنشى ايىرماشىلىق مىنادا, لوگيستيكالىق اەا اۋماعىنا اكەلىنەتىن تاۋارلار ەركىن كەدەندىك ايماقتىڭ راسىمىنە كەدەندىك دەكلاراتسيالاۋسىز ورنالاستىرىلادى. بۇل رەتتە مۇددەلى تۇلعانىڭ تاۋارلاردى تۇسىرۋگە جانە قايتا تيەۋگە, سونداي-اق تاۋاردى باسقا كولىك قۇرالىنا جەتكىزگەن كولىك قۇرالىنا جۇمسالاتىن, كەدەندىك دەكلاراتسيالاۋعا بايلانىستى قوسىمشا شىعىنداردى تولەمەۋ مۇمكىندىگى پايدا بولادى. ەكىنشى ءبىر ەرەكشەلىگى, ەركىن كەدەندىك ايماقتىڭ كەدەندىك رەسىمدەۋگە ورنالاستىراتىن عيماراتىن الۋ ءۇشىن لوگيستيكالىق اەا رەزيدەنتىمەن تاۋارلاردى قويمادا جيناۋ جانە ساقتاۋعا بايلانىستى جۇك وپەراتسيالارىنا قىزمەت كورسەتۋ تۋرالى شارت جاساسا جەتكىلىكتى.
«قورعاس-شىعىس قاقپاسى» اەا-نىڭ قازاقستاندىق باسقا اەا-دان ارتىقشىلىقتارى – بۇل قىتايعا, ياعني الەمدەگى ەڭ ءىرى تاۋار جەتكىزۋشىگە جانە تۇتىنۋشىعا تىكەلەي جاقىندىعى. كاسىپورىندى ستراتەگيالىق جاعىنان ءتيىمدى, شەكاراعا جاقىن جەرگە ورنالاستىرا وتىرىپ اەا قاتىسۋشىلارى مۋلتيمودالدىق لوگيستيكانى, سونداي-اق دايىن ينفراقۇرىلىمى بار جەر تەلىمىنە مۇلدەم تەگىن قول جەتكىزۋگە مۇمكىندىك الادى. تاعى دا ءبىر ماڭىزدى ارتىقشىلىعى بولىپ تابىلاتىن جاعى, قولدانىستاعى قۇرعاق پورتتىڭ الەۋەتى مەن ء«بىر تەرەزە» ءپرينتسيپى بويىنشا قاجەتتى قىزمەتتەرىن پايدالانا الادى.
– جوباعا كىمدەر قاتىسا الادى جانە ول ءۇشىن نە قاجەت؟
جوباعا «قورعاس-شىعىس قاقپاسى» اەا اۋماعىنىڭ شەگىندە نەگىزگى جۇمىستارىن جۇزەگە اسىرۋى ءتيىس رەزيدەنت رەتىندە دە, رەزيدەنت ەمەس بولىپ تا تەك زاڭدى تۇلعا قاتىسۋشى بولا الادى. ەگەر زاڭدى تۇلعا قازاقستان رەسپۋبليكاسىنىڭ رەزيدەنتى ەمەس جانە سالىق تولەۋشى رەتىندە قازاقستان رەسپۋبليكاسىندا تىركەلمەگەن جاعدايدا, قۇجاتتارىن وتكىزگەن كەزدە قازاقستان رەسپۋبليكاسى سالىق ورگاندارى تاراپىنان سالىق تولەۋشى رەتىندە مەملەكەتتىك تىركەۋدەن وتكەنى تۋرالى سەرتيفيكاتتىڭ كوشىرمەسى بولۋى ءتيىس. ارنايى ەكونوميكالىق ايماقتىڭ قاتىسۋشىسى رەتىندە قىزمەتتى جۇزەگە اسىرۋعا ءوتىنىش بەرۋشىنىڭ تەحنيكالىق-ەكونوميكالىق نەگىزدەۋگە سايكەس كولەمدە قارجىسى بولۋى ءتيىس.
– «قورعاس-شىعىس قاقپاسى» اەا-نىڭ قازىرگى جاعدايى قالاي؟
– قازىرگى كەزدە قوعام اەا-نى دامىتۋ بويىنشا نەگىزگى ەكى باعىتتا بەلسەندى جۇمىس ىستەۋدە – جوباعا ينۆەستيتسيالار تارتۋ جانە ونى باعىتتاۋ, سونداي-اق ەنگىزۋ, اەا-نى باسقارۋ بويىنشا بىرقاتار اقپاراتتىق جۇيەلەردى ەنگىزۋ جانە الەمدىك لوگيستيكالىق جەلىنى ينتەگراتسيالاۋ. بۇگىنگى كۇنى بىرىڭعاي تىزىمگە 78 قاتىسۋشى تىركەلدى, ونىڭ 14-ءى وسى جوبالاردى ءارتۇرلى ساتىلاردا ىسكە اسىرۋمەن اينالىسادى. اتاپ ايتقاندا, اەا-عا قاتىسۋشىلار «زاريا لتد» جشس مەن «فەنيكس فيد ميللس» جشس قۇرعاق پورتتا ء«داندى داقىلداردى ساقتايتىن ەلەۆاتور سالۋ» جانە «ەلەۆاتور مەن قۇراماجەم ءوندىرۋ زاۋىتىن سالۋ» جوبالارىن جۇزەگە اسىرۋدا.
لوگيستيكالىق اۋماققا زاكىرلىك ينۆەستور – «PBP CAPITAL LTD» كومپانياسى (دۋباي, ءباا) تارتىلدى. اتالعان كومپانيا كوممەرتسيالىق, قويما جانە يندۋستريالىق جىلجىمايتىن م ۇلىكتىڭ حالىقارالىق تولىق تسيكلدى دەۆەلوپەرى بولىپ تابىلادى. جوبالاردى ىسكە اسىرۋدىڭ حالىقارالىق دارەجەدەگى تاجىريبەسى 15 جىلدان اسادى. ىسكە اسىرىلعان جوبالاردىڭ جالپى كولەمى 870,000م2. مامىلەلەر كولەمى 4 ملرد $ «قورعاس-شىعىس قاقپاسى» اەا-نىڭ لوگيستيكالىق اۋماعىندا پرەميۋم كلاستى قويما كەشەندەرىن ينۆەستيتسيالاۋ جوسپارلانعان. يندۋستريالىق ايماقتا پوۆيدلو جانە دجەم ءوندىرۋ, كونسەرۆىلەنگەن كوكونىستەر ءوندىرىسى, جەمىس پيۋرەسىن ءوندىرۋ بويىنشا جوبالارى باستالدى. قۇرىلىستىڭ اياقتالۋ مەرزىمى – 2018 جىلدىڭ مامىر ايى.
– «قورعاس-شىعىس قاقپاسى» اەا-دا قازىرگى كەزدە قانداي اقپاراتتىق جۇيەلەر قولدانىلادى؟
– قازاقستاندا ترانزيت وتكىزۋگە ارنالعان جەكە دالىزدەن باسقا, لوگيستيكانىڭ تابىستى دامۋى اقپاراتتىق قامتاماسىز ەتۋدى جانە ينفراقۇرىلىمدى دامىتۋدى تالاپ ەتەدى. ءىرى الەمدىك وپەراتورلار - Dubai Port World نەمەسە DP World كومپانيالارىنىڭ كەڭەستەرى ارقاسىندا «قورعاس-شىعىس قاقپاسى» اەا-دا باسقارۋشى كومپانيالار, مەملەكەتتىك ورگاندار, رەزيدەنتتەر مەن اەا كليەنتتەرىنىڭ ءوزارا ءىس-قيمىلدارىن ۇيلەستىرەتىن كوپ فۋنكتسيا-
لى اقپاراتتىق «نوماد» پلاتفورماسى قۇرىلادى.
DP World كومپانياسى تاراپىنان كونسالتينگ پايداسىنا تاڭداۋ جاساۋ كەزدەيسوق ەمەس. 2011 جىلعى جاعداي بويىنشا, لوندوندىق Drewry Shipping Consultants كونسالتينگتىك كومپانياسىنىڭ ەسەبىنە سايكەس, Dubai Port World كومپانياسى الەمدەگى ءىرى پورتتىق وپەراتور بولىپ شىقتى. گەوگرافيالىق جاعىنان ارتاراپتاندىرىلعان ەڭ ءىرى پورت وپەراتورلارىنىڭ ءبىرى بولىپ تابىلاتىن DP World الەمدىك نارىق ۇلەسىنىڭ 6,7%-نا يە. سونداي-اق كومپانيا الەمنىڭ 40 ەلىندەگى 77 تەڭىز جانە ىشكى تەرمينالدارلى ۇستاپ وتىر. DP World ءباا ۇكىمەتىنە تيەسىلى الەمدىك ءىرى ينۆەستور جانە دەۆەلوپەر Dubai World كومپانياسىنىڭ باسقارۋىندا.
«نوماد» – اەا-نىڭ بيزنەس-پروتسەستەرگە ۇتىمدى ىقپال ەتەتىن «ەلەكتروندى بەينەسى». وسى پلاتفورمادا لوگيستيكالىق پروتسەسكە بارلىق قاتىسۋشىلار ءوزارا بايلانىسىپ, جۇمىس ىستەي الادى. بۇگىندە قازاقستاندا مۇنداي ورتاق پلاتفورما جوق, تەك جەكەلەگەن كىشىگىرىم جۇيەلەر جۇمىس ىستەيدى. قازىرگى زاماناۋي IT-شەشىمدەردىڭ ارقاسىندا «قورعاس-شىعىس قاقپاسى» اەا اۋماعىندا ترانسشەكارالىق كولىكتەردى رەسىمدەۋدى جەڭىلدەتەتىن جانە جەدەلدەتەتىن ء«بىر تەرەزە» مەحانيزمى جۇمىس ىستەيدى. بۇل ترانزيتكە, تاۋارلاردى ترانسشەكارالىق وتكىزۋگە, كولىك قۇرالدارىنا قاتىستى پروتسەستەردى اقپاراتتىق تەحنولوگيالارمەن جابدىقتاۋعا باعىتتالعان العاشقى قادام.
«نوماد» بىرىڭعاي باسقارۋ اقپاراتتىق جۇيەسىن (بباج) قۇرۋ شەڭبەرىندە ونلاين قىزمەت كورسەتۋ جۇيەسى جانە «مونيتورينگتىك ورتالىق» جۇيەسى بار جاعدايدى باقىلاۋ ورتالىعى قازىرگى تاڭدا تابىستى جۇمىس ىستەۋدە. اەا پەريمەترىنىڭ سىرتىنداعى ينتەللەكتۋالدى بەينەباقىلاۋ تەحنولوگياسى اەا پەريمەترى بويىنشا ورنالاسقان 96 كامەرالارعا قىزمەت كورسەتەتىن وپەراتورلار سانىن ءبىر ادامعا دەيىن قىسقارتۋعا مۇمكىندىك بەردى. «مونيتورينگ ورتالىعى» كىشى جۇيەسىندە اەا اۋماعىنا تاۋارلاردى ورنالاستىرۋ ماسەلەسىنە قاتىستى جۇمىستارعا قاتىساتىن مەملەكەتتىك قىزمەتكەرلەرگە ارنالعان اۆتوماتتاندىرىلعان جۇمىس ورىندارى پايدا بولدى. اەا ء«بىلىم بازاسى» ونلاين تۇرىندە بارلىق قاتىسۋشىلارى ءۇشىن قاجەتتى اقپاراتتىق قىزمەت كورسەتەتىن ء«بىر تەرەزە» كىشى جۇيەسى ىسكە قوسىلعان.
اەا باسقارۋشى كومپانيانىڭ ۆەب-سايتىنا جانە اەا ەلەكتروندى قۇجات اينالىمى كىشى جۇيەسىنە ينتەگراتسيالاۋ جۇرگىزىلدى. اەا قاتىسۋشىلارىنىڭ جانە ينۆەستورلاردىڭ وتىنىشتەرىن وڭدەۋدىڭ بيزنەس-پروتسەستەر ازىرلەندى. «اۆتوماتتاندىرىلعان ءبوپ» كىشى جۇيەسى جاسالدى, ول اەا ءبوپ ءوتۋ ۋاقىتىن 10 مينۋتتان 30 سەكۋندقا دەيىن ازايتۋعا مۇمكىندىك بەرەدى, بۇل رەتتە ورنالاستىرىلاتىن تاۋارلار مەن كولىك قۇرالدارىن ەسەپكە الۋ كەدەن زاڭناماسىنىڭ تالاپتارى اياسىندا تولىقتاي اۆتوماتتاندىرۋ قامتاماسىز ەتىلدى. ماتىندىك جانە بەينە, فوتو كونتەنتپەن 3D ۆيرتۋالدى تۋرى قۇرىلدى. 3D تۋرى «قورعاس-شىعىس قاقپاسى» اەا جوباسىنىڭ الەمدىك قوعامداستىقتا تانىمالدىعىن ارتتىرۋ جانە ينتەرنەت جەلىسىنە جالعانعان كەز كەلگەن قۇرىلعىدان قولجەتىمدى Google Maps پلاتفورماسىنا ەنگىزۋ ءۇشىن جاسالدى. سونداي-اق 3D تۋر اەا كومپانيا باسقارۋشىسىنىڭ ۆەب-پورتالىنا جالعانعان 3D تۋرىنىڭ ءرولى – قازىرگى زامانعى تەحنولوگيالاردىڭ كومەگىمەن مۇددەلى تۇلعالارعا, اتاپ ايتقاندا, ينۆەستورلارعا بەدەلدى پلاتفورمالار بازاسى ارقىلى اەا جوباسى تۋرالى ناقتى فوتو جانە بەينەاقپاراتتاردى جەتكىزۋ.
– «قورعاس-شىعىس قاقپاسى» اەا-نىڭ دامۋ بولاشاعى قانداي؟
– «قورعاس-شىعىس قاقپاسى» ارنايى ەكونوميكالىق ايماعى ءتيىستى ەكونوميكالىق ينفراقۇرىلىمى جانە تۇرعىن ايماعى بار, جوعارى دەڭگەيدەگى لوگيستيكالىق جانە ونەركاسىپتىك ورتالىق جاساۋ ءۇشىن ءوزىنىڭ كەدەن وداعى ىشىندە ۇتىمدى ورنالاسقانىن جانە قىتايمەن شەكارالاس تۇرعان ارتىقشىلىقتارىن ءتيىمدى پايدالانادى. اەا جۇمىس ورىندارىن قۇرۋ جانە قازاقستان ەكونوميكاسى ونىمدىلىگىنىڭ ءوسۋىن ىلگەرىلەتەتىن ءىرى مەحانيزم, ال ۇزاق مەرزىمدى پەرسپەكتيۆادا ەكونوميكانى ءارتاراپتاندىرۋ ارقىلى جاڭا ونەركاسىپتىك كلاستەرلەردى قورعاۋ جانە جۇمىس كۇشىنىڭ بىلىكتىلىگىن ارتتىرۋعا قوماقتى ۇلەس قوساتىن بولادى.
مەملەكەتتىڭ قولداۋىمەن «قورعاس-شىعىس قاقپاسى» اەا دامۋ جوسپارىن تابىستى جۇزەگە اسىرعان جاعدايدا مىناداي ناتيجەلەرگە قول جەتكىزەدى:
«نۇرلى جول» ينفراقۇرىلىمدىق دامۋ باعدارلاماسىنىڭ جانە قىتايدىڭ «جىبەك جولىنىڭ ەكونوميكالىق بەلدەۋى» باستاماسى اياسىندا «قورعاس-شىعىس قاقپاسى» اەا انىقتاۋشى ءرول اتقارادى, قازاقستاندى قىتاي, كەدەن وداعى جانە باتىس ەۋروپا ەلدەرىنىڭ ءىرى ساۋدا ارىپتەسىنە اينالدىرادى. قازاقستان ەكونوميكاسىنا ەكونوميكالىق ءوسۋ جانە قوسىمشا قۇندىلىقتار بەرە وتىرىپ «قورعاس-شىعىس قاقپاسى» اەا جاڭا سالالاردى دامىتۋ جانە مۇناي-گاز تۇسىمىنە تاۋەلدىلىكتى قىسقارتۋ ارقىلى نەعۇرلىم ارتاراپتاندىرىلعان, تەڭدەستىرىلگەن جانە يكەمدى ەكونوميكانى قۇرۋعا ىقپال ەتەدى. تۇرعىن ءۇي جانە قوعامدىق ينفراقۇرىلىمى بار تۇراقتى جاڭا ەكونوميكالىق ورتالىقتى قالىپتاستىرۋ ەسەبىنەن, كاسىبي ترەنينگتەر مەن دامۋ باعدارلامالارىن نەگىزگە الا وتىرىپ جەرگىلىكتى جانە شەتەلدىك قىزمەتكەرلەردەن يكەمدى جانە بىلىكتى جۇمىس كۇشى قۇرىلاتىن بولادى.
كەلەشەكتەگى جوسپارلار تۋرالى ايتاتىن بولساق, مەملەكەتتىك جانە جەكە مۇددەلى تاراپتار اراسىنداعى پورتتار قوعامداستىعىنىڭ باسەكەگە قابىلەتتىلىگىن ارتتىرۋ ماقساتىندا ينتەللەكتۋالدى جانە قاۋىپسىز اقپارات الماسۋىن قامتاماسىز ەتەتىن PCS (Port Community System) جۇيەسى – ەلەكتروندى پلاتفورماسىن قولدانىسقا ەنگىزۋدىڭ ماڭىزدىلىعىن, سونداي-اق ءوز اۋماعىندا كەدەندىك جەڭىلدىكتەر جاساۋعا مۇمكىندىگى بار, حالىقارالىق مارتەبەسىن العاننان كەيىن اەا-نىڭ سۋباۋماعى بولۋى ءتيىس اۋەجاي قۇرىلىسى جوسپارلانعانىن ايتا كەتۋ كەرەك.
اڭگىمەلەسكەن
اسحات رايقۇل,
«ەگەمەن قازاقستان»
