«سىزدەر ءۇشىن ەلباسى نۇرسۇلتان نازارباەۆتىڭ ساياساتى ارقاسىندا بارلىق جاعداي جاسالىپ وتىر. جىلى ءۇي, تاماق, كيىم بار,بارلىق كابينەتتەر جابدىقتالعان, ءبىلىم الىپ جاتىرسىڭدار. مەن وتكەن جىلى دا كەلگەن ەدىم, سول داستۇرمەن وزدەرىڭىزدى جاڭا جىلمەن قۇتتىقتايتىن دەپ تاعى دا كەلدىم. بۇل جولى قۇر قول ەمەس, مۋزىكامەن شۇعىلدانسىن, ساباق وقىسىن دەپ مۋزىكالىق اپپارات, 10 كومپيۋتەر اكەلدىم. 500 مىڭ تەڭگە دەمەۋشىلىگىمىز تاعى بار» دەدى ارحيمەد بەگەجان ۇلى.
رۋدنىي بالالار ۇيىندە جەتىم جانە اتا-اناسىنىڭ قامقورلىعىنسىز قالعان 176 بالا تاربيەلەنەدى. ولاردىڭ 174 ء–ى باسپانا كەزەگىندە تۇر.
وبلىس اكىمى وسى ساپارىندا كەنشىلەر قالاسىنداعى جەتىم جانە اتا-اناسىنىڭ قامقورلىعىنسىز قالعان, ەرەكشە ءبىلىم بەرۋدى قاجەتسىنەتىن بالالاردىڭ №1 مەكتەپ-ينتەرناتىندا دا بولدى. مۇندا 116 بالا وقىپ جاتىر. ارحيمەد مۇحامبەتوۆ ولارعا سپورت قۇرالدارىن, كوركەم ادەبيەت جانە 12 نوۋتبۋك الۋ ءۇشىن 5 ميلليون تەڭگەنىڭ سەرتيفيكاتىن تاپسىردى جانە دەمەۋشىلىك كومەك ءۇشىن تاعى دا 500 مىڭ تەڭگەنىڭ سەرتيفيكاتىن قوسى بەردى.
ءنازيرا جارىمبەت
«ەگەمەن قازاقستان»
رۋدنىي
