بۇعان قىزمەتى كۇماندى جەكەمەنشىك ورتالىقتار جول بەرىپ وتىر. ولار كولىكتىڭ ءار بولشەگىن ءجىتى تەكسەرۋدىڭ ورنىنا, سىرتقى سيپاتىنا, سۋرەتىنە قاراپ, قۇجات بەرە سالادى. وڭتۇستىك قازاقستان وبلىسى بويىنشا كولىكتىك باقىلاۋ ينسپەكتسياسىنىڭ ماماندارى وسىنى انىقتاعان.
وبلىستا 567 مىڭ كولىك تىركەلگەن. بۇل تەحنيكالاردىڭ 81 مىڭنان استامى - اۋىر سالماقتى كولىكتەر. وبلىس بويىنشا كولىكتەردى تەحنيكالىق تەكسەرۋدەن وتكىزەتىن 58 ورتالىق جۇمىس ىستەيدى. الايدا, ولاردىڭ دەنى حالىقتىڭ قاۋىپسىزدىگىن ەمەس, قالتانىڭ قامىن ويلايتىنعا ۇقسايدى. ءتيىستى سالا ماماندارى بىرلەسىپ جاساعان رەيد بارىسىندا جالعان قۇجات العان جۇرگىزۋشىلەرگە ايىپپۇل سالىندى.
بۇل اۋقىمدى شارانىڭ وتۋىنە قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتى مەن وقو بويىنشا كولىكتىك باقىلاۋ ينسپەكتسياسى باستاماشى بولدى.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.
