استانا قالاسى ءىىد مالىمدەگەندەي, جاڭاجىلدىق مەرەكە كەزىندە تۇرعىندار بار نازارىن جاقىندارىنا سىيلىق تاڭداۋعا جانە مەرەكەلىك داستارحان ازىرلەۋ ءۇشىن ازىق-ت ۇلىك الۋعا اۋدارعاندىقتان, قالتا ۇرىلارىنىڭ قارماعىنا وڭاي ءىلىنىپ جاتادى.
«كوبىنە قالتا ۇرلىعى ادامدار كوپ جۇرەتىن جەرلەردە, ساۋدا ۇيلەرىندە, بازارلاردا, قوعامدىق كولىكتەردە جاسالادى. سول سەبەپتى, ەلوردالىق پوليتسيا قالا تۇرعىندارى مەن قوناقتارىنا جاڭاجىلدىق مەرەكە قارساڭىندا قاراپايىم ساقتىق شارالارى نورمالارىن ساقتاۋدى جانە وتە قىراعى بولۋدى, جەكە زاتتارىن قاراۋسىز قالدىرماۋدى, اقشالارى مەن قۇجاتتارىن ىشكى قالتالارعا ساقتاۋىن ەسكەرتەدى», - دەلىنگەن تاراتىلعان حابارلامادا.
قازىرگى تاڭدا, ءتارتىپ ساقشىلارى «ۇرلىق» بابى بويىنشا جاسالعان بىرنەشە قىلمىسقا قاتىستى تۇلعالاردى انىقتاۋ شارالارىن جۇرگىزىپ جاتىر.
«ماسەلەن, 26 جەلتوقساندا «ماگنۋم» ساۋدا ۇيىندە بەلگىسىز بىرەۋ ايەل ازاماتشانىڭ قالتاسىنان ىشىندە قۇجاتتارى مەن اقشاسى بار ءاميانىن جىمقىرىپ كەتكەن. كەلتىرىلگەن شىعىن كولەمى 150 مىڭ تەڭگەنى قۇرايدى.
سونىمەن قاتار, بەلگىسىز تۇلعا «گۇلجان» ساۋدا ۇيىندە قالا تۇرعىنىنىڭ تونىنىڭ قالتاسىنان قۇنى 180 مىڭ تەڭگە تۇراتىن «iPhone» ماركالى ۇيالى تەلەفونىن قولدى قىلعان», - دەپ مالىمدەدى ۆەدومستۆودا.
اتالعان فاكتىلەر بويىنشا «ۇرلىق» بابىمەن سوتقا دەيىنگى تەرگەپ-تەكسەرۋ جۇرگىزىلۋدە. جەدەل قىزمەتكەرلەر اتالعان قۇقىق بۇزۋشىلىقتى جاساعان ادامدى انىقتاۋ جانە ۇستاۋ بويىنشا جەدەل-ىزدەستىرۋ ءىس-شارالارىن وتكىزىپ جاتىر.
