وليمپيادا چەمپيونى اتىراۋلىق سپورتشىلاردىڭ جاڭا جىلدىق challenge قولداۋ كورسەتتى دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
اتاقتى بوكسشى جانە قر پارلامەنت ءماجىلىسى دەپۋتاتى بارلىق قازاقستاندىق سپورتشىلارعا بەينەۇندەۋ جولداپ, اتىراۋدا باستالعان جاڭا جىلدىق ەستافەتاعا قاتىسۋعا شاقىردى.
-مەن اتىراۋلىق سپورتشىلاردىڭ چەمپيوندىق challenge شاراسىن قولداپ, شىرشانى مەدالدارىممەن بەزەندىردىم. مەملەكەت باسشىسى سپورتتى ناسيحاتتاۋدى ۇنەمى ايتىپ كەلەدى, وعان وسىنداي شارالار ىقپال ەتەدى. ەستافەتانى بارلىق سپورتشىلارعا جولدايمىن جانە جاڭا جىلدىق ەستافەتا جالعاسىن تابارىنا سەنەمىن,-دەدى سەرىك ساپيەۆ.
ايتا كەتەيىك, العاشقى چەمپيوندىق شىرشانى اتىراۋدا 24 جەلتوقساندا بەزەندىردى. 26 جەلتوقساندا ەستافەتانى قاراعاندى وبلىسىنىڭ سپورتشىلارى قابىلداپ, شىرشانى جىل بويعى جەتىستىكتەرىمەن جاساندىردى. 27 جەلتوقساندا challenge-ءدى وليمپيادا جۇلدەگەرى سەرىك ساپيەۆ قولداپ, مەدالدارىن شىرشاعا تاقتى.
اتىراۋلىق سپورتشىلاردى قازاقستاندىق بوكسشى ماديار اقشەەۆ تە قولدادى. ول سەرىك ساپيەۆتىڭ ەستافەتاسىن قابىلداپ, اقش-تىڭ لوس-اندجەلەس قالاسىنداعى شىرشالاردىڭ ءبىرىن قر مەملەكەتتىك تۋىمەن بەزەندىردى.
باقىتگۇل باباش,
"ەگەمەن قازاقستان"
