قر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ءوز بايانداماسىندا اعىمداعى جىلعى 11 ايدا 413 مىڭ ادام ەڭبەكپەن قامتىلعانىن, ولاردىڭ ىشىندە تۇراقتى جۇمىسقا — 279 مىڭ ادام تۇرعانىن اتاپ ءوتتى.
بۇگىنگى تاڭدا باعدارلاماعا قاتىسۋشىلاردىڭ سانى 527 مىڭعا جەتتى, ولاردىڭ ىشىندە 50% استامى — اۋىل تۇرعىندارى. ەڭبەك جانە حالىقتى الەۋمەتتىك قورعاۋ ءمينيسترىنىڭ ايتۋىنشا, باعدارلامانىڭ نەگىزگى ينديكاتورلارىنا قول جەتكىزىلدى.
ء«بىرىنشى باعىت اياسىندا وڭىرلىك ەڭبەك نارىقتارىنىڭ قاجەتتىلىكتەرىن قامتاماسىز ەتۋ ءۇشىن 90 مىڭ ادامدى وقىتۋ ۇيىمداستىرىلدى, ولاردىڭ 21 مىڭ ادامى – بۇل جۇمىسسىز جاستار, قالعانى 69 مىڭى – جۇمىسسىزدار مەن ءوزىن-ءوزى جۇمىسپەن قامتىعاندار. قىسقا مەرزىمدىك وقىتۋ كۋرستارىن 43,5 مىڭ ادام ءتامامدادى», — دەدى تامارا دۇيسەنوۆا.
ۇكپ-نىڭ «Bastau بيزنەس» جوباسى اياسىندا «كاسىپكەرلىك باستامالاردى قولداۋ» باعىتى بويىنشا 15 مىڭ ادام وقۋدى اياقتادى, ولاردىڭ 8,2 مىڭ ادامى وزدەرىنىڭ بيزنەس جوبالارىن قورعادى جانە 3 مىڭنان استامى — نەسيەلەر الدى. كەلەر جىلى «Bastau بيزنەس» باعدارلاماسى بويىنشا وقيتىندار سانىن جۇمىسسىزدار مەن ءوزىن-ءوزى جۇمىسپەن قامتىعان ازاماتتاردىڭ اراسىنان ەكى ەسەگە (30 مىڭ ادامعا دەيىن) ارتتىرۋ جوسپارلانعان.
باعدارلامانىڭ ءۇشىنشى باعىتى ازاماتتاردىڭ ءالسىز ساناتتارىن ەڭبەكپەن قامتۋدا اتاۋلى كومەكتى جانە ەڭبەك رەسۋرستارىنىڭ جۇمىلعىشتىعىن ارتتىرۋدى قاراستىرادى.
«اعىمداعى جىلى الەۋمەتتىك جۇمىس ورىندارىنا, جاستار پراكتيكاسىنا جانە قوعامدىق جۇمىستارعا 134 مىڭعا جۋىق ادام جىبەرىلدى», — دەپ مالىمدەدى ەڭبەك جانە حالىقتى الەۋمەتتىك قورعاۋ ءمينيسترى.
باعدارلامادا ازاماتتاردىڭ ەڭبەك جۇمىلعىشتىعىن ارتتىرۋ بويىنشا باعىت ەرەكشە ورىنعا يە. تامارا دۇيسەنوۆا اعىمداعى جىلى كەلۋ وڭىرلەرىنىڭ جۇمىس بەرۋشىلەرىنىڭ قاتىسۋىمەن بارلىق كەتۋ وڭىرلەرىندە بوس ورىنداردىڭ وڭىرارالىق جارمەڭكەلەرى وتكىزىلگەنىن اتاپ ءوتتى.
«بۇگىندە باعدارلاما اياسىندا بولىنگەن قاراجات ەسەبىنەن سولتۇستىك وڭىرلەرگە وڭتۇستىك وبلىستاردان ءوز ەركىمەن 381 وتباسى نەمەسە 1 479 ادام كوشتى. كەلەسى جىلعا قونىس اۋدارۋدىڭ وڭىرلىك كۆوتاسىن 5 ەسە ارتتىرۋ, ياعني 1700 وتباسىعا دەيىن نەمەسە 7000-عا جۋىق ادامعا جەتكىزۋ جوسپارلانعان», — دەپ باياندادى تامارا دۇيسەنوۆا.
ءسوز سوڭىندا مينيستر ازاماتتاردىڭ ءوز ەركىمەن قونىس اۋدارۋىنا ىنتالاندىرۋعا, ازاماتتاردىڭ كاسىپكەرلىك باستامالارىن قولداۋعا, سونداي-اق وقىتۋ جۇيەسىن جاقسارتۋعا باعىتتالعان باعدارلاما تەتىكتەرىن جەتىلدىرۋ بويىنشا بىرقاتار وزگەرىستەر مەن تولىقتىرۋلاردى ۇكىمەت قاراۋىنا ۇسىندى.
ءونىمدى جۇمىسپەن قامتۋ جانە جاپپاي كاسىپكەرلىك باعدارلاماسىن ىسكە اسىرۋ تۇرعىسىنان جۇرگىزىلىپ جاتقان جۇمىس تۋرالى ءوز باعىتتارى بويىنشا ۇلتتىق ەكونوميكا ءمينيسترى تيمۋر سۇلەيمەنوۆ, ءبىلىم جانە عىلىم ءمينيسترى ەرلان ساعاديەۆ, اۋىل شارۋاشىلىعى ءبىرىنشى ۆيتسە-ءمينيسترى قايرات ايتۋعانوۆ باياندادى, سونداي-اق «اتامەكەن» ۇكپ باسقارما توراعاسى ابىلاي مىرزاحمەتوۆ ءسوز سويلەدى.
باعدارلامانىڭ ىسكە اسىرىلۋ بارىسى تۋرالى جامبىل وبلىسى اكىمى كارىم كوكىرەكباەۆ, ماڭعىستاۋ وبلىسى اكىمى ەرالى توعجانوۆ, شىعىس قازاقستان وبلىسى اكىمى دانيال احمەتوۆ, الماتى وبلىسى اكىمى اماندىق باتالوۆ ەسەپ بەردى.
