وبلىستىق تۋريزم جانە سىرتقى بايلانىستار باسقارماسىنىڭ مۇرىندىق بولۋىمەن وتكەن شارا بارىسىندا قالا تۇرعىندارى مەن قوناقتارىنا دەمالىس ورنىنا بارىپ-قايتاتىن اۆتوبۋستار (شاھارداعى اۆتوبۋس باعاسىمەن) ۇيىمداستىرىلىپ, دەمالۋشىلار ارقان جولدارىمەن تەگىن كوتەرىلىپ, شاڭعى تەبۋگە مۇمكىندىك الدى.
«شىعىس قازاقستاننىڭ تابيعاتى كوركەم, ايماقتا ءتۋريزمدى دامىتۋعا مۇمكىندىك مول. قازىر وڭىردە قىسقى ءتۋريزمدى ورىستەتۋگە كوپ كوڭىل ءبولىنىپ جاتىر دەۋگە بولادى. قىستى ءتۋريزمدى دامىتۋعا قولايلى ورىنداردىڭ ءبىرى – «التاي ءالپىسى» تاۋ شاڭعىسى كەشەنى. سوندىقتان دا وسى جەردى ارنايى تاڭداپ, ءىس-شارامىزدى وتكىزىپ جاتىرمىز. اسىرەسە جاستاردىڭ قىسقى سپورت تۇرلەرىمەن شۇعىلدانۋىنا ەرەكشە دەن قويىپ وتىرمىز. وسكەمەندەگى ء«ۇمىت» بالالار ۇيىنەن 60 بالانى دەمالىس ورنىنا ارنايى شاقىردىق. وزدەرىڭىز كورىپ وتىرعانداي, بۇگىن حالىق كوپ جينالدى. مۇنداي شارالار باسقارما تاراپىنان الداعى ۋاقىتتا دا ۇيىمداستىرىلاتىن بولادى», - دەيدى اتالعان باسقارمانىڭ ءتۋريزمدى دامىتۋ ءبولىمىنىڭ باسشىسى راۋشان مۇستافينا.
«بۇگىن تازا اۋاعا شىعىپ, شاڭعى تەۋىپ سەرگىپ قالعان جايىمىز بار. وسكەمەننەن دەمالىس بازاسىنا دەيىن اۆتوبۋستار شىعارىلعانىنا قالا تۇرعىندارى ريزاشىلىقتارىن ءبىلدىرىپ جاتىر. وسىنداي اۆتوبۋستار ءار اپتا سايىن سەنبى نەمەسە جەكسەنبى كۇندەرى تۇراقتى تۇردە جۇرەتىن بولسا, قىسقى تۋريزمگە قىزىعۋشىلار قاتارى ارتا تۇسەر ەدى», - دەيدى وسكەمەننەن شاڭعى تەبۋگە ارنايى بارعان بلوگەر, قوعام بەلسەندىسى ءادىل قاراتاي.
ازامات قاسىم,
«ەگەمەن قازاقستان»
