وسى جىلدىڭ 5 شىلدەسىندە اتىراۋ وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسى مەن «باتىس ترانزيت» اكتسيونەرلىك قوعامى اراسىندا «اتىراۋ قالاسىنىڭ كوشەلەرىن جارىقتاندىرۋ جەلىسىن سالۋ جانە پايدالانۋ» جوباسىن ىسكە اسىرۋ تۋرالى العاشقى مەملەكەتتىك-جەكەمەنشىك ارىپتەستىك كەلىسىم شارتى جاسالعان بولاتىن.
جوبا شەڭبەرىندە 2017 جىلدىڭ جەلتوقسان ايىنىڭ سوڭىنا دەيىن جانە 2018 جىلى اتىراۋ قالاسىنىڭ 39 كوشەسىنە 2816 جارىق شامدارىن ورناتۋ جوسپارلانعان. جارىقتاندىرۋ بارىسىندا جاڭا تەحنولوگيالار مەن زاماناۋي LED- جارىق شامدارىن ورناتۋ ەسكەرىلگەن.
قازاقستان رەسپۋبليكاسى تəۋەلسىزدىگى مەرەكەسى قارساڭىندا قالا جانە قالا ماڭىنداعى بەس كوشەگە: وبلىس ورتالىعىنداعى بەرعاليەۆ كوشەسىنەن بايمۇحانوۆ كوشەسىنە دەيىن, ۆودنيكوۆ اۋىلىنداعى پەرۆومايسكايا كوشەسىنە, پروەزد-1, قاراباۋ كوشەلەرىنە, كوكارنا اۋىلىنداعى 13 كوشەدەن 7 كوشەگە دەيىن, 7 كوشەدەن 12 كوشەگە دەيىن جارىق شامدارى ورناتىلادى.
اتالعان مەملەكەتتىك-جەكەمەنشىك ارىپتەستىك جوباسى اتىراۋ قالاسىندا جاڭا تەحنولوگيالارىن ەنگىزۋ, پايدالانۋ شىعىندارىن ازايتۋ, قالا تۇرعىندارىنىڭ تۇرمىس ساپاسىن جوعارىلاتۋ مەن جايلىلىق جاساۋىنا, قىلمىس سانىن ازايتۋ مەن جول قاۋىپسىزدىگىن جوعارىلاتۋعا باعىتتالعان.
باقىتگۇل باباش,
«ەگەمەن قازاقستان»
