سونىمەن قاتار وبلىستىڭ الەۋمەتتىك-ەكونوميكالىق دامۋىنا قوسقان ۇلەستەرى مەن قىزمەتتەگى كاسىبي جەتىستىكتەرى ءۇشىن 47 قىزىلوردالىق وردەن, توسبەلگى جانە قۇرمەت گراموتالارىمەن ماراپاتتالدى. ولار ءوڭىر تۇرعىندارىمەن بىرگە كۇندەلىكتى تىنىمسىز ەڭبەگىنىڭ ناتيجەسىندە شيكىزاتتىق ەمەس سەكتوردىڭ ءوندىرىس كولەمىن 28 پايىزعا ارتىپ, سالىنعان تۇرعىن ۇيلەردىڭ جالپى اۋماعى 35,6 پايىزعا ءوستى, كۇرىشتەن جارتى ميلليوننان استام توننا ءونىم جيناپ, ايماقتى ەكونوميكانىڭ نەگىزگى سالالارى بويىنشا ەلىمىزدەگى كوشباسشى وبلىستار قاتارىنا قوسۋعا اتسالىستى.
سالتاناتتى جيىندا قىزىلوردا وبلىسىنىڭ اكىمى قىرىمبەك كوشەرباەۆ سىربيىلىقتاردى مەرەكەمەن قۇتتىقتادى.
"26 جىل ىشىندە جاس مەملەكەتىمىز باسقالار عاسىردا جەتە المايتىن جولدى ءجۇرىپ ءوتتى. قازاقستان ەگەمەندىگىن ساقتاپ, الەمدە ءوز ورنىن نىعايتىپ, بابالاردڭ اڭساعان ارمانىن اقيقاتقا اينالدىردى. بۇل كوپۇلتتى حالقىمىزدىڭ بىرلىگى مەن ەلباسىنىڭ سارابدال ساياساتىنىڭ ناتيجەسى. بارشا قىزىلوردالىقتى ۇلى مەرەكە - تاۋەلسىزدىك كۇنىمەن قۇتتىقتايمىن! ارقايسىڭىزدىڭ جۇمىسىڭىزعا تابىس, تاۋەلسىز قازاقستانىمىزعا تىنىشتىق پەن بەرەكە تىلەيمىن!",-دەدى وبلىس اكىمى.
مەرەكەلىك شارا وتاندىق ەسترادا جۇلدىزدارى مەن جەرگىلىكتى ونەر ۇجىمدارىنىڭ كونتسەرتىنە ۇلاستى. "الاۋ" توبى, وبلىستىق كامەرالىق وركەستر جانە باسقا دا ارتيستەر پاتريوتتىق اندەر مەن الەمدىك كلاسسيكالىق مۋزىكانىڭ جاۋھارلارىن ورىندادى.
