شىمكەنتتەگى كونديتەرلىك فابريكا جاڭا وندىرىستىك جەلىسى ارقىلى وسى جىلدىڭ ون ايىندا 274,6 ميلليون تەڭگە بولاتىن 200 توننادان استام ءونىم وندىرگەن.
وڭتۇستىكقازاقستاندىقتار بۇگىندە وتاندىق ءونىمدى تۇتىنۋعا قۇمبىل. بۇل ورايدا يندۋستريالىق-يننوۆاتسيالىق دامىتۋدىڭ 2015 - 2019 جىلدارعا ارنالعان مەملەكەتتiك باعدارلاماسى اياسىندا ىسكە قوسىلعان «راحات-شىمكەنت» جشس-ءنىڭ جاڭا زاماناۋي ءوندىرىسى تۇتىنۋشى سۇرانىسىنا ساي ءونىم شىعارۋدا. فابريكانىڭ جىلدىق قۋاتتىلىعى 23 مىڭ توننا. وڭتۇستىك قازاقستان وبلىسىنىڭ اكىمى جانسەيىت تۇيمەباەۆ كاسىپورىننىڭ جۇمىسىمەن تانىسىپ, باعدارلامانىڭ ءوڭىر ءۇشىن ماڭىزى زور ەكەنىن اتاپ ءوتتى.
سەرىكتەستىك ديرەكتورى ابدۋكاريم بورانوۆتىڭ مالىمدەۋىنشە, جوعارى ساپالى جانە باسەكەگە قابىلەتتى ءونىم شىعارۋعا كومپانيا ينۆەستيتسيا قۇيىپ كەلەدى. «راحات-شىمكەنت» جشس-ءى كاسىپكەرلىكتى قولداۋ كارتاسى اياسىندا جاڭا ۆافەل شىعاراتىن وندىرىستىك جەلىنى ىسكە قوسقان. جوبانى جاڭعىرتۋ ماقساتىندا 850 ميلليون تەڭگە جۇمىلدىرىلىپ, 28 جۇمىس ورنى اشىلعان. 2001 جىلى جۇمىسىن باستاعان زاۋىت ءوز ونىمدەرىن تمد مەن ەۋروپا ەلدەرىنە, قىتاي مەن موڭعوليا نارىعىنا شىعارىپ وتىر ەكەن. ياعني, وتاندىق ءونىم الەمدىك ستاندارتتارعا ساي.
سوڭعى ۇلگىدەگى قوندىرعىلارمەن جابدىقتالعان زاۋىت بۇگىندە 30-دان استام اتاۋمەن 4 ءتۇرلى ءونىم وندىرەدى.
عالىمجان ەلشىباي,
«ەگەمەن قازاقستان»
