وسكەمەن مەن سەمەي قالالارىنىڭ جاس كاسىپكەرلەرىنىڭ ەلىمىزدىڭ ەڭ باستى مەرەكەسى قۇرمەتىنە وراي ء«بىزدىڭ جەتىستىكتەر – ءبىزدىڭ ەلگە» اتتى اكتسيا باستاعانى سوزىمىزگە دالەل. 10-20 جەلتوقسان كۇندەرى ارالىعىندا وتەتىن اكتسيا اياسىندا بىرقاتار تاۋارلى بەلگىنىڭ ونىمدەرى ارزانداتىلعان باعامەن ساۋدالانباق. باستاماعا قاتىساتىن فيرمالاردى «قازاقستان رەسپۋبليكاسىنىڭ تاۋەلسىزدىك كۇنىنە ارنالعان جەڭىلدىكتەر» دەگەن جازۋى بار تاقتايشالارىنان تانۋعا بولادى. اتالعان تاقتايشالاردا تاۋارلارعا قاتىستى قاراستىرىلعان جەڭىلدىكتەر جازىلىپ تۇرۋى ءتيىس.
«بۋتيگىمدى وسىدان ەكى جىل بۇرىن اشقانمىن. بۇگىن تاۋەلسىزدىك كۇنىنە وراي مەرەكەلىك جەڭىلدىكتەر اكتسياسىن وتكىزۋدەمىز. اكتسيا اياسىندا جەلتوقساننىڭ 10-ى مەن 20-سى كۇندەرى ارالىعىندا بىزدەگى كوستيۋمدەر مەن كويلەكتەردى 30 پايىزدىق جەڭىلدىكپەن ساتىپ الۋعا بولادى», دەيدى اكتسياعا قاتىسۋعا نيەت بىلدىرگەن جاس كاسىپكەردىڭ ءبىرى ارمان تولەۋحانوۆ.
جاس كاسىپكەرلەر وبلىسىمىزدىڭ بارلىق كاسىپكەرلەرىن اتالمىش باستاماعا قولداۋ ءبىلدىرىپ, مەرەكە كۇندەرى جۇرتشىلىققا جەڭىلدىكتەر جاساۋعا شاقىرۋدا.
ازامات قاسىم,
«ەگەمەن قازاقستان»
وسكەمەن
