اتالعان شارانى وتكىزۋدەگى باستى ماقسات – مەملەكەت باسشىسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى اياسىندا ەلىمىزدىڭ كەشەگىسى مەن بۇگىنگىسىن تۇگەندەپ, بولاشاققا باعدار جاساۋ. تاۋەلسىز قازاقستاننىڭ بۇگىنگى كەلبەتىن قالىپتاستىرعان قۇندىلىقتار جانە كەشەگى مەملەكەت قۇرۋداعى «الاش» پارتياسى مەن الاشوردا ۇكىمەتىنىڭ قادامدارى اقىندار جىرلارىنا وزەك بولدى. اسىرەسە الاش ارىستارىنىڭ ىسىنە تاريحي باعا بەرۋ ارقىلى ولاردىڭ وسكەلەڭ ۇرپاققا قالدىرعان وسيەتتەرىن ناسيحاتتاۋعا, جاس ۇرپاق بويىنا پاتريوتتىق تاربيەنى ءسىڭىرۋ جايىنا جانە دە ۇلتتىق قۇندىلىقتار مەن رۋحاني مۇرالاردى اشىپ كورسەتۋگە ەرەكشە ءمان بەرىلدى. بۇل رەتتە اقىندار قازاق تاريحىندا وشپەس ءىز قالدىرعان قايراتكەرلەردى دە جىرلارىنا ارقاۋ ەتتى. مۇشايراعا جاسى 16-دان اسقان اقىندار قاتىسىپ, وزدەرىنىڭ باقتارىن سىناپ كورىستى. ەڭ باستى شارت, اقىندار ءوز ولەڭدەرىن بۇرىن ەش جەردە جاريالاماعان بولۋى ءتيىس جانە تاۋەلسىزدىككە ارنالعان بولۋى شارت. ال شىعارما كولەمىنە ەشقانداي شەك قويىلعان جوق. سونىمەن قازىلار القاسىنىڭ شەشىمىمەن باس جۇلدەنى ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ ستۋدەنتى كۇلاش نىسانبەك جەڭىپ الدى. ءبىرىنشى ورىن كوكەن شاكەي ۇلى اتىنداعى اقىندار مەكتەبىنىڭ شاكىرتى قاراشاش ۇعىلانعا بۇيىرسا, ەكىنشى ورىندى «بۋراباي» كوللەدجىنىڭ قازاق ءتىلى مەن ادەبيەتى ءپانىنىڭ مۇعالىمى سەرعازى قايىربولدى يەلەندى. ءۇشىنشى ورىندى كوكەن شاكەي ۇلى اتىنداعى اقىندار مەكتەبiنiڭ شاكiرتi دۋمان سامات يەلەنىپ, ايتۋلى اقىندار مەكتەبى قاتىسۋشىلارىن تاعى ءبىر قۋانتتى. قاتىسۋشىلاردىڭ بارلىعى دا باعالى سىيلىقتارمەن, ديپلومدارمەن جانە العىس حاتتارمەن ماراپاتتالدى.
اسقار تۇراپباي ۇلى,
«ەگەمەن قازاقستان»
اقمولا وبلىسى
