ورايى كەلىپ تۇرعاندا بەكبولات ادەتوۆ تولايىم پۋبليتسيستيكالىق تۋىندىلارىنان بولەك, «بايشەشەك», «التىناي», «جەردەگى جۇلدىزدار», «ىڭكار كوڭىل» اتتى كوركەم شىعارمالاردان تۇراتىن ءتورت كىتاپتىڭ اۆتورى, 8 روماندى قازاق تىلىندە سويلەتكەن تاماشا اۋدارماشى ەكەنىن ايتا كەتەلىك.
قازاق جۋرناليستيكاسىنىڭ اكادەميگى, 70-80-جىلدارداعى «سوتسياليستىك قازاقستان» باسىلىمىنىڭ بەلدى ءجۋرناليسى, بولمىسى بولەك, جاراتىلىسى جايساڭ بەكبولات ادەتوۆ جايلى بەلگىلى اقىن وتەگەن ورالباي ۇلى ءبىر ولەڭىندە:
ءبىر ءسوزدى بىلمەي قالساڭ بەكەڭە بار,
جاتسىنباس, جاتىرقاماس جەتەڭە بار,
الگى ءسوز ق ۇلىن-تايداي قۇلدىراڭداپ,
ورىسكە ويناق سالىپ كەتەدى ولار...
بەكەڭە سالەم بەرەم ساعىنىپ ءبىر,
كوپ تەرمين كۇتىم تاپپاي جابىعىپ تۇر.
قازاقتىڭ نەبىر ءسوزى, تۇمان باسىپ,
بەكەڭە جول تابا الماي قامىعىپ تۇر, –
دەيتىنى بەكەر ەمەس.
– جۋرناليستيكاعا بارعانىما, وسى ءومىردى كورگەنىمە وكىنبەيمىن. تۇبىرلەي العاندا, ءوز تاعدىرىما شىنىمەن-اق قىزىعامىن. نەبىر جاقسىلار مەن جايساڭداردى كوردىك. دامدەس-تۇزداس بولدىق. توم-توم كىتاپ جازباساق تا قىرىق جىلداي ەلدىڭ تاريحىن بىرگە جازىستىق. «شارلاعان جولىم جاتىر جەر بەتىندە» دەپ قاسىم امانجولوۆ ايتپاقشى, ءىرىلى-ۇساقتى گازەت-جۋرنال بەتتەرىندە, اسىرەسە قازاق ءباسپاسوزىنىڭ قارا شاڭىراعى «ەگەمەن قازاقستاندا» قولتاڭبامىز قالدى. قالامىمىزدىڭ قارىمى دا جۇرەگىمىزدىڭ جالىنى دا سوندا جاتىر, – دەيتىن اقجۇرەك اعاعا تابىستار جالعاسىن تاپسىن دەپ تىلەيمىز.
ايناش ەسالي,
«ەگەمەن قازاقستان»
الماتى
