مەرەيلى مەرەكەگە وراي ۇيىمداستىرىلعان شاراعا تۇرعىندار كوپتەپ جينالىپ, قۋانىشتارىمەن ءبولىستى. جالپى, تاۋەلسىزدىك جىلدارىندا 4,9 ميلليون تۇرعىن الاڭدارى پايدالانۋعا بەرىلىپ, 800 مىڭعا جۋىق جامبىلدىقتار پاتەرگە يە بولعان ەكەن. وسىناۋ قۋانىشتى ءداستۇر اۋليەاتا جەرىندە بۇگىن دە جالعاسىن تاپتى.
جالپى, «نۇرلى جول» ينفراقۇرىلىمدى دامىتۋ مەملەكەتتىك باعدارلاماسى اياسىندا 2015-2017 جىلدارى تاراز قالاسىنداعى «اراي» القابىندا جوسپار بويىنشا 19 ءۇيدىڭ جوباسى بەكىتىلىپ, قۇنى 8,57 ميلليارد تەڭگەگە 1245 پاتەرلى نەمەسە جالپى اۋدانى 85,5 مىڭ شارشى مەتر بولاتىن 15 ءۇي پايدالانۋعا بەرىلگەن. اعىمداعى جىلى 319,6 مىڭ شارشى مەتر تۇرعىن ءۇي سالۋ جوسپارى تولىعىمەن ورىندالدى. عالىمجان ءابدىرايىموۆ ءوز سوزىندە وبلىستا اعىمداعى جىلدان باستاپ مەملەكەتتىك «نۇرلى جەر» باعدارلاماسى ىسكە اسىرىلا باستاعانىن, اتالعان باعدارلاما اياسىندا 2017 جىلعا رەسپۋبليكالىق بيۋدجەتتەن 1,56 ميلليارد تەڭگە ءبولىنىپ, جالپى اۋدانى 17,7 مىڭ شارشى مەتر نەمەسە 258 پاتەرلى 4 ءۇيدىڭ قۇرىلىسى باستالعانىن, ونىڭ 11,9 شارشى مەترى نەمەسە 178 پاتەرلى 3 ءۇي اعىمداعى جىلى پايدالانۋعا بەرىلۋدە ەكەنىن ايتىپ ءوتتى.
بۇگىن پايدالانۋعا بەرىلىپ وتىرعان «قاراسۋ» شاعىن اۋدانىنداعى 80 پاتەرلى تۇرعىن ءۇيدىڭ قۇرىلىسى بيىل شىلدە ايىندا باستالعان بولاتىن. پاتەرلەردىڭ جالپى الاڭى 4205,6 شارشى مەتردى قۇراسا, تەندەرلىك قۇنى 585,401 ميلليون تەڭگە بولعان.
حاميت ەسامان,
«ەگەمەن قازاقستان»
جامبىل وبلىسى
