سونىڭ ىشىندە شاھار ايناسى سانالاتىن تەمىر جول مەن اۋەجايداعى تارتىپكە قىراعىلىق تانىتۋ كولىكتەگى ىشكى ىستەر دەپارتامەنتىنە جۇكتەلگەن جاۋاپتى مىندەت. رۋحاني سىلكىنىس جاساپ, جاڭارۋدى تالاپ ەتەتىن بۇگىنگى ۋاقىت ءتارتىپ ساقشىلارىنا جان-جاقتى, ىشكى دۇنيەسى تولىسقان, ءبىلىمدى بولۋعا شاقىرۋدا.
ءبىلىمدى مىڭدى جىعادى, بىلەكتى ءبىردى جىعادى دەگەن سالماقتى ءسوز قالعان بابالاردان. ەلباسى ن. نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا سانانىڭ اشىقتىعى قاجەت ەكەندىگىن باعدارلاعانى بارشامىزعا بەلگىلى. وتكەنىن بىلمەگەن كەلەشەگىن قالاي المايدى. سەبەبى تاريح ول سان سۇراقتىڭ جاۋابى, تەلەگەي تاجىريبە.
تاۋەلسىزدىك مەرەكە قارساڭىندا استانا ستانتسياسىنداعى ىشكى ىستەر جەلىلىك باسقارماسىنىڭ جاس پوليتسيا قىزمەتكەرلەرى جادىگەرلەرمەن تانىسۋ ءۇشىن قر ۇلتتىق مۋزەيىنە باردى. وندا «تاۋەلسىز قازاقستان», «استانا», «التىن», «ەجەلگى جانە ورتا عاسىرلار تاريحى», «زامانۋي ونەر», «تاريح», «ەتنوگرافيا» زالدارىندا بولىپ, تاريحي دەرەكتەرمەن تانىسىپ, جەلتوقستان قۇرباندارىنا ارنالعان بۇرىشقا تاعزىم ەتىپ, وتكەندى ويمەن شولدى.
«مۋزەي - وتكەننىڭ ونەگەلى كورىنىسى. الپاۋىت اقپارات ورداسى. جاس ساقشىلاردى پاتريوتتىق تاربيەلەۋدە مۋزەيدىڭ الار ورنى ەرەكشە. ساناسى وياۋ, ساۋاتتى پوليتسيا مامانى بولۋ ءۇشىن تاريح, ادەبيەت, تاعى باسقا رۋحاني قاينارلار قاتتى قاجەت. ونىڭ ۇستىنە بيىل قازاقستان پوليتسياسى قۇرىلعانىنا 25 جىل. تاۋەلسىزدىگىمىزگە شيرەك عاسىردان استام ۋاقىت تولىپ وتىر. ەل وڭىرىندەگى ماڭىزدى قادام - مەملەكەتىمىزدىڭ ەلورداسىن اقمولاعا اۋىستىرعانىنا دا 20 جىل بولىپتى. سول سەبەپتەن, ءبىز تالىمگەرلىك پارىزىمىزدى ورىنداي كەلە, تاريحى تەرەڭدە جاتقان باي مۇرامىزدى جاس ماماندار كوزبەن كورىپ, ولاردىڭ پاتريوتتىق سەزىمدەرىن وياتۋ ماقساتىندا ۇلتتىق مۋزەيگە كەلىپ تۇرمىز» – دەدى استانالىق ىشكى ىستەر جەلىلىك باسقارما باستىعىنىڭ كادر جۇمىسى جونىندەگى ورىنباسارى پوليتسيا پودپولكوۆنيگى داستان ءادىلحانوۆ.
بايجان ەمبەردى
استانا ستانتسياسىنداعى ىشكى ىستەر جەلىلىك باسقارماسى
مەملەكەتتىك ءتىل جانە اقپارات توبىنىڭ جەتەكشى مامانى
