قالالىق جەر قاتىناستارى ءبولىمىنىڭ باسشىسى قاسىمبەك سايلاۋوۆ كوپقاباتتى تۇرعىن ۇيلەردىڭ قۇرىلىسى ءۇشىن «ەۋرازيا» بازارى ماڭىنداعى جەرلەر مەملەكەتكە كەرى قايتارىلاتىندىعىن ايتادى. سونىمەن قاتار, ساياباقتار مەن گۇلزارلار قۇرىلىسى ءۇشىن كومەشبۇلاق تۇرعىن الابىنان, جول قۇرىلىسىن سالۋ ءۇشىن «تۇران» شاعىن اۋدانىنان جەر ۋچاسكەلەرىن قايتارۋ جۇمىستارى جۇرگىزىلىپ جاتىر. قوناەۆ داڭعىلى مەن وتەگەنوۆ كوشەسى, وڭتۇستىك اينالما جولى مەن بايتەرەك كوشەسى, الماتى اينالما تاس جولى بويىنداعى جەر تەلىمدەرى دە مەملەكەتتىڭ قاجەتتىلىگىنە الىنباق.
بۇل جونىندە شىمكەنت قالاسىنىڭ اكىمى نۇرلان ساۋرانباەۆ: «ەڭ باستىسى, اكىمدىك قىزمەتكەرلەرى جەرگىلىكتى تۇرعىندارمەن ءوزارا تىعىز بايلانىستا جۇمىس ىستەي بىلگەنى ءجون. ياعني, مەنشىك يەلەرىنە ءتۇسىندىرۋ جۇمىستارىن جۇرگىزە وتىرىپ, قاجەت بولعان جاعدايدا سوتقا جۇگىنۋگە بولاتىنىن دا ەسكەرتۋى ءتيىس. تۇرعىندار ءوز مەنشىگىن اسىرا جوعارى باعالاپ, ماسەلەنى ۋشىقتىرا تۇسپەۋى كەرەك. بىلە بىلگەنگە, استانا, الماتى قالالارىمەن سالىستىرعاندا شىمكەنتتەگى جەر تەلىمدەرىنىڭ باعاسى الدەقايدا تومەن. سويتە تۇرا, مەملەكەت مۇقتاجدىعى ءۇشىن بىزدەر مەنشىك يەلەرىنە اتالعان قالالارمەن ءبىر دەڭگەيدەگى باعانى ۇسىنامىز», دەدى.
باقتيار تايجان,
«ەگەمەن قازاقستان»
