بۇل بىرىنشىلىكتىڭ پوشىمى بولەكتەۋ. ويتكەنى كاسىپتىك ءبىلىم الىپ جاتقان جاستاردىڭ اراسىنداعى «قولى التىن» دەرلىك شەبەرلەر سىنعا تۇسۋدە. وبلىستىق ءبىلىم باسقارماسىنىڭ ۇيىمداستىرۋىمەن ءوتىپ جاتقان چەمپيوناتقا 36 ءبىلىم ۇيىمىنان 186 قاتىسۋشى ءوتىنىش ءبىلدىرىپتى. شەبەرلەر سايىسىنىڭ اشىلۋ سالتاناتىندا ءسوز العان وڭتۇستىك قازاقستان وبلىسى اكىمىنىڭ ورىنباسارى ۇلاسبەك سادىبەكوۆ ماڭىزى مەن ءمانى وتە زور شارانىڭ ماقساتى - تەحنيكالىق جانە كاسىپتىك ءبىلىم بەرۋ جۇيەسىنىڭ ۋاقىتپەن ىلەسە وتىرىپ, ءوز ءىسىن بىلەتىن جانە جاقسى كورەتىن بىلىكتى ماماندارمەن قامتاماسىز ەتۋ ەكەنىن اتاپ ءوتتى.
جالپى وبلىستا «بارشاعا تەگىن كاسىپتىك-تەحنيكالىق ءبىلىم بەرۋ» اياسىندا 15668 ادام تەحنيكالىق, تەحنولوگيالىق جانە اۋىلشارۋاشىلىق, قىزمەت كورسەتۋ سالالارى بويىنشا ءبىلىم الۋدا. سونداي-اق, «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنىڭ» ءبىرىنشى باعىتى بويىنشا 4584 ستۋدەنت ءبىلىمىن جەتىلدىرۋدە.
شەبەرلەر اراسىنداعى سايىس جەڭىمپازدارى الداعى ۋاقىتتا قازاقستاندا وتكىزىلەتىن Worldskills - 2018 چەمپيوناتىنا قاتىسۋعا مۇمكىندىك الاتىن بولادى.
عالىمجان ەلشىباي,
«ەگەمەن قازاقستان»
