مەيمانداردىڭ اراسىندا بيلىكتە جۇرگەندەر دە بولدى. سولاردىڭ ءبىرىت – وبلىس اكىمىنىڭ ورىنباسارى ماديار قوجاحمەت جاستاردى بەلسەندى بولۋعا شاقىردى.
ەلىمىزدە شەت ەل تىلدەرىن مەڭگەرگەندەرگە, "بولاشاق" باعدارلاماسى بويىنشا ءبىلىم العاندارعا جول اشىق. بۇل تۋرالى پەتروپاۆل قالاسى اكىمىنىڭ ورىنباسارى ەۆگەني گلوتوۆ كەڭىنەن ايتتى. ول اتالمىش باعدارلاما اياسىندا اقش-تا ءبىلىم العان. مەملەكەتتىك ءتىلدى دە جاقسى يگەرگەن.
كەزدەسۋگە قازاقستانعا تانىمال سپورتشىلار دا كەلدى. بۇگىندە ەسىمى دۇنيە جۇزىنە بەلگىلى پالۋان سەرگەي تسىرۋلنيكوۆ 4 رەت الەمدىك رەكورد ورناتقان. بۇل جولى استانادان سالماعى 34 كەلى تارتاتىن قىلىش اكەلىپتى. ءدال وسىنداي قارۋدى قازاق باتىرلارى جاۋعا شاپقاندا قولدانعان, دەيدى ول.
اشىق ديالوگ الاڭىنا جينالعاندار "Street Workout" ونەرىن دە تاماشالاي الدى. بۇل سپورت ءتۇرى وڭىرىمىزدە كەڭ قانات جايىپ كەلەدى.
فورۋمدا ءوز سالالارى بويىنشا جارقىراپ كوزگە تۇسكەن جاس ازاماتتار 10 اتالىم بويىنشا ماراپاتتالدى. ماسەلەن, "جاس سپورتشى" اتالىمىنا ەركىن كۇرەستەن ەلىمىزدىڭ ء ۇش دۇركىن چەمپيونى ينديرا ناۋرىزباەۆا يە بولدى. قازىر ول جاتتىقتىرۋشى بولىپ جۇمىس ىستەيدى. سالتاناتتى شارا بارىسىندا جاس تىلشىلەر مەن مۇعالىمدەر, اسكەري قىزمەتكەرلەردىڭ ەڭبەگى دە باعالاندى.
«پىكىرتالاس الاڭدارىندا جاستاردى مازالاپ جۇرگەن كوپتەگەن ماسەلەلەر سۇراقتار قوزعالدى. ولاردى باسپانامەن, تۇراقتى جۇمىس ورىندارىمەن قامتاماسىز ەتۋ جايى كوبىرەك تولعانتادى», دەيدى «جاس وتان» جق سقوف-نىڭ جەتەكشىسى ابىلايحان قايروللا. .
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
