ايماقتىق قولباسشىلىقتىڭ بايقاۋ كوميسسياسى تۇرعىن ءۇي جانە قىزمەتتىك قوردان تۇرعىن ۇيمەن قامتىلۋى, سونداي-اق اسكەريلەر ۇيلەرىنىڭ جان-جاعى – تازالىعى, اباتتاندىرىلۋى, بالالار ويىن الاڭىنىڭ بولۋى سىندى ماسەلەلەردى ساراپقا سالدى. بايقاۋ قورىتىندىسىندا اقتاۋ گورنيزونىنىڭ اسكەري قىزمەتشىلەرى ءبىرىنشى ورىندى يەلەندى. بايقاۋ ناتيجەسىندە بەلگىلى بولعانداي, ەڭ ۇلگىلى ۇيلەر اقتاۋ قالاسىنداعى 25744 اسكەري ءبولىمى مەن بەينەۋ سەلوسىنداعى 99116 اسكەري ءبولىمىنىڭ جاتاقحانالارى بولىپ شىقتى. جۋىردا عانا پايدالانۋعا بەرىلگەن بەينەۋ سەلوسىنداعى اسكەريلەر ۇيىندە قازىرگى تاڭدا 25 وتباسى تۇرىپ جاتىر. جاقىن ارادا تاعى ءبىر پايدالانۋعا بەرىلەدى دەپ كۇتىلۋدە. سونداي-اق, اقتاۋ تەڭىز جاياۋ اسكەرلەرى ءوز تۇرعىن ۇيلەرىنە ەرەكشە نازار اۋدارىپ, كۇتىپ ۇستايتىنى انىقتالدى. بۇل ۇيلەردە كەيبىر تۇرعىنداردىڭ تۇرعانىنا بەس جىلدان اسىپ كەتكەن, سوندىقتان ولار ۇيگە اسا ۇقىپتىلىقپەن, كۇتىممەن قارايدى.
بايقاۋ جەڭىمپازدارىنا ىدىس-اياق, ەلەكتر شاينەكتەرى مەن ماقتاۋ قاعازدارى تابىستالدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
