مەملەكەتتە 1980 جىلدارى يسلام فۋندامەنتاليستەرىنىڭ قىسىمىمەن كينوتەاترلارعا تىيىم سالىنعان بولاتىن. ەندى 2018 جىلدىڭ ناۋرىزىندا ساۋد ارابياسىندا كينوتەاترلار قايتا اشىلماق.
وسى جىلدىڭ قاڭتار ايىندا باس مۇفتي شەيح ابدۋل ال-شەيح كينوتەاترلار مەملەكەتتەگى مورالدىق قاعيدالاردى بۇزادى دەگەن پىكىر ءبىلدىردى. بىراق حانزادا مۇحاممەد بين سالمان Vision 2030 باعدارلاماسى اياسىندا الەۋمەتتىك جانە ەكونوميكالىق رەفورمالار اياسىندا ايەلدەرگە كولىك جۇرگىزۋگە جانە سپورتتىق جارىستارعا بارۋعا رۇقسات بەردى. مەملەكەتتە كينوتەاترلارعا ليتسەنزيا بەرۋ باستالدى.
2030 جىلعا دەيىن ساۋد ارابياسىندا 300-دەن استام كينوتەاتر اشىلادى دەپ جوسپارلانعان. ۇكىمەتتىڭ مالىمدەمەسىندە مەملەكەتتىڭ ەكونوميكاسىنا كينوتەاترلاردان 24 ملن دوللار تابىس ءتۇسىپ, 30 مىڭ جۇمىس ورنى اشىلاتىنى ايتىلعان. مادەنيەت جانە اقپارات ءمينيسترى اۆۆاد بين سالەح تە كينوتەاترلاردىڭ اشىلۋى ەكونوميكالىق ءوسىمنىڭ كاتاليزاتورىنا اينالاتىنىن مالىمدەدى.
