وبلىستىق تۋريزم باسقارماسىنىڭ باسشىسى شىناربەك باتىرحانوۆتىڭ قاتىسۋىمەن وڭىرلىك كوممۋنيكاتسيالار قىزمەتىندە وتكەن بريفينگتە حالىقارالىق ءتۋرنيردىڭ باس جۇلدەسىنە اۆتوكولىك تىگىلەتىنى ەرەكشە اتالدى. ونىڭ باس تورەشىسى رەتىندە وبلىستىق دەنە شىنىقتىرۋ جانە سپورت باسقارماسىنىڭ «ۇلتتىق سپورت تۇرلەرى بويىنشا وبلىستىق بالالار مەن جاسوسپىرىمدەر سپورت مەكتەبى» كوممۋنالدىق مەملەكەتتىك مەكەمەسىنىڭ ديرەكتورى مارات قويشين بەكىتىلدى. جالپى, قۇسبەگىلىك ونەرى بۇعان دەيىن دە تالاي ناسيحاتتالعان. الايدا حالىقارالىق دەڭگەيگە العاش رەت كوتەرىلىپ وتىر. ويتكەنى قازىر الەمدە قۇسپەن اڭ اۋلاۋعا قىزىعۋشىلىق ارتۋدا. ونىڭ ۇستىنە قازاقستاننىڭ تاماشا تابيعاتى مەن قىسى قۇسبەگىلەردى قىزىقتىرىپ وتىرعان سياقتى. ۇيىمداستىرۋشىلاردىڭ مالىمەتىنە قاراعاندا, 5 ەلدەن 50-دەن استام ۇمىتكەر وزدەرىنىڭ باقتارىن سىنادى. بۇل رەتتە ش.باتىرحانوۆ وبلىس باسشىسى مالىك مىرزالينگە قولداۋ بىلدىرگەنى ءۇشىن ريزاشىلىعىن ايتتى. بۇدان كەيىن ءسوز العان قازاقستان رەسپۋبليكاسىنىڭ قۇسبەگىلىك ونەرى بويىنشا باس باپكەر كۇنتۋعان بازاربەك بۇل اتاكاسىپتىڭ 10 وبلىس پەن 1 قالادا كەڭ ءورىس العاندىعىن جەتكىزدى. تاعى ءبىر بەلگىلىسى, ۇلتتىق ويىندار قاۋىمداستىعى 2 ميلليون تەڭگە كولەمىندە قارجى بولگەن.
اسقار تۇراپباي ۇلى,
«ەگەمەن قازاقستان»
اقمولا وبلىسى
