جامانات حاباردى تەلەفون قوڭىراۋلاتقان كورشىلەرىنەن ەستىپ, ەسىنەن تانىپ, قۇلاپ قالا جازداعان. جاڭىلىس بولار, تاڭەرتەڭ عانا ساپ-ساۋ تۇر ەدى عوي دەپ ءوزىن-ءوزى قانشا جۇباتقانمەن ءبىر ورنىندا بايىز تاۋىپ وتىرا الماعان. تىعىز شارۋالاردان قولى بوساماعان اپاسى گاۋحار احمەتجانوۆامەن حابارلاسىپ, ماسەلەنىڭ انىق-قانىعىن ءبىلۋدى وتىنگەن. ول ەنتىگە باسىپ جەتكەنىمەن, ءسۇرىلىپ تاستالعان باسپانىڭ جۇرتىن عانا كەزىكتىرەدى. جۇگىرە باسىپ, قالالىق اكىمدىككە كەلەدى. ونداعىلار بۇل وقيعاعا ءبىزدىڭ ەش قاتىسىمىز جوق دەپ ات-توندارىن الا قاشادى. ۇيلەردى قۇلاتۋعا جاۋاپتى مەكەمە مەن ادامداردىڭ تەلەفون ءنومىرىن العانىمەن, ەشكىم تەلەفون كوتەرمەيدى.
جەرگىلىكتى بيلىك ورىندارىنىڭ جاۋاپسىزدىعى سالدارىنان تۇرىپ جاتقان ۇيدەن ايرىلىپ, دالادا قالعان دينا قىستىڭ كوزى قىراۋدا تۋعان-تۋىستارىن ساعالاپ ءجۇر. «جاس وركەن» شاعىن اۋدانىندا ورنالاسقان ءۇيىمنىڭ بۇزىلاتىنىن بىلەتىنمىن. بىراق ول تۋرالى الدىن الا ەسكەرتىلمەگەنى تاڭداندىرىپ وتىر. باسپانا ىشىندەگى جيھازداردىڭ, تۇرمىستىق زاتتاردىڭ قايدا كەتكەنى, جاڭا پاتەردىڭ قاشان بەرىلەتىنى بەلگىسىز. نە ىستەرىمدى بىلمەي دالمىن», دەيدى 20 جاستاعى بويجەتكەن جىلامسىراپ.
قالالىق اكىمدىكتەگىلەر بولسا ورىن العان ورىنسىز وقيعانى جۋىپ-شايىپ, بارلىق جاعدايدى جاساۋعا, اتاپ ايتقاندا م ۇلىكتەردى قالپىنا كەلتىرۋگە, شىعىنداردى وتەۋگە, سونداي-اق پاتەر الۋعا كەپىلدىك بەرەتىن قۇجاتتاردى رەسىمدەۋگە ۋادە بەرىپ وتىر.
ءومىر ەسقالي,
«ەگەمەن قازاقستان»
پەتروپاۆل
