سۋرەتتەردى تۇسىرگەن: ايباتىر نۇراش
اۋەلى «تۋعان ولكەم – تىرەگىم» اتتى جاستار فورۋمى TEDTalks فورماتىندا ءوتتى. نازارباەۆ زياتكەرلىك مەكتەبىندەگى كەزدەسۋدە پارلامەنت سەناتىنىڭ الەۋمەتتىك-مادەني دامۋ جانە عىلىم كوميتەتىنىڭ ءتورايىمى بىرعانىم ءايتىموۆا, ساياساتتانۋشى ساياسات نۇربەك, «قازاقستان-2050» قوزعالىسىنىڭ جەتەكشىسى, كاسىپكەر مۇxتار مانكەەۆ سپيكەر ساناتىندا ءسوز الدى. كوپشىلىك جاستار باتىس قازاقستان وبلىسىنىڭ اكىمى التاي كولگىنوۆتىڭ كىتاپ وقۋدىڭ پايداسى تۋرالى اڭگىمەسىنە ىقىلاسپەن قۇلاق ءتۇرىپ, قول سوقتى.
فورۋمنىڭ ماقساتى – تۋعان ولكەگە دەگەن سۇيىسپەنشىلىك ارقىلى ەلباسىنىڭ «رۋxاني جاڭعىرۋ» باعدارلامالىق ماقالاسىندا بەلگىلەنگەن نەگىزگى ماقساتتاردى جۇزەگە اسىرۋعا جاڭا سەرپىلىس بەرۋ, عىلىم-ءبىلىم, ونەر, دەنساۋلىق ساقتاۋ, سپورت جانە ازاماتتىق باستامالاردى كۇشەيتۋگە ىقپال جاساۋ, دەيدى شارانى ۇيىمداستىرۋشىلار.
بۇل كۇنگى شارالارعا الەمگە ايگىلى الپينيست, دۇنيە جۇزىندەگى بارلىق «سەگىزمىڭدىق» شىڭدى وتتەگى بالونىنسىز باعىندىرعان ماقسۇت جۇماەۆ, الەمگە ايگىلى سكريپكاشى مارات بيسەنعاليەۆ, سەناتور ناريمان تورەعاليەۆ, تانىمال ونەر قايراتكەرى, ء«ازىل الەمى» ءازىل-سىقاق تەاترىنىڭ ديرەكتورى تۇرسىنبەك قاباتوۆ, «ازاماتتىق باستامالار زەرتتەۋ ورتالىعى» كەاق باسقارما توراعاسى نۇرلان وتەشەۆ ارنايى شاقىرىلعان. مەيماندار «رۋxاني جاڭعىرۋ» باعدارلاماسىنىڭ 4 نەگىزگى كىشى باعدارلامالارى – «تاربيە جانە ءبىلىم», «اتامەكەن», «رۋxاني قازىنا» جانە «اقپارات تولقىنى» بويىنشا سەمينار-ترەنينگتەر وتكىزدى. بۇل شارالارعا «100 جاڭا تۇلعا» جوباسىنا ەسىمدەرى ەنگەن باتىسقازاقستاندىق پيانيست سايدا قالىقوۆا, قازيتۋ عىلىمي-ءبىلىم كەشەنىنىڭ قۇرىلتايشىسى اقسەرىك ءايتىموۆ, زەلەنوۆ اۋداندىق اۋرۋحاناسىنىڭ مەدبيكەسى ەلەنا شۋشلەبينا دا قاتىستى.
شارتاراپتان جينالعان جەرلەستەر باسقوسۋىنىڭ قورىتىندىسى – «جومارت جۇرەك-2017» مەتسەناتتار فورۋمى بولدى. فورۋم الدىندا ورال قالاسى مەن اۋدان اكىمدەرى ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى «تۋعان جەر» باعدارلاماسى اۋقىمىندا 2018 جىلعا جوسپارلانعان جوبالاردى تانىستىردى. باتىس قازاقستان وبلىسىندا بۇگىندە 1230-عا جۋىق مەتسەنات بار ەكەن. ولار بيىل 851 قايىرىمدىلىق شاراسىنا قولداۋ كورسەتكەن.
– «تۋعان جەر» باعدارلاماسى اياسىندا 600-دەن استام جوبا ۇسىنىلدى. كورمەگە سونىڭ 260-تان استامىن ىرىكتەدىك. جىل سوڭىنا دەيىن ۇسىنىلاتىن جوبالار سانى كوبەيەدى دەپ وتىرمىز. «رۋحاني جاڭعىرۋ» باعدارلاماسى بويىنشا «جومارت جۇرەك-2017» مەتسەنتتار فورۋمى ورال قالاسىندا ءبىرىنشى رەت ۇيىمداستىرىلىپ وتىر. تۋعان جەرىن اباتتاندىرۋعا كەز كەلگەن ازامات ۇلەس قوسا الادى. ولاردىڭ قاراجاتى «اقجايىق» قورىنا جينالادى, – دەدى كورمە كەزىندە وبلىستىق «رۋحاني جاڭعىرۋ» جوبالىق كەڭسەسىنىڭ جەتەكشىسى سالتانات تۇمانباەۆا.
– ءاربىر قازاقستان ازاماتى ءۇشىن تۋعان جەرىنىڭ كوسەگەسىن كوگەرتۋگە اتسالىسۋ – پارىز. حالقىمىزدا «جاقسىنىڭ جاقسىلىعىن ايت, نۇرى تاسىسىن» دەگەن ءسوز بار. وسى يگى ءىستى اسىرۋدا بۇگىن باتىسقازاقستاندىقتار دا شەت قالمادى, – دەدى ءوز سوزىندە ءوڭىر باسشىسى التاي كولگىنوۆ.
وبلىس اكىمى 178 ملن تەڭگە قارجىعا ءوز اۋىلىنا دەنە شىنىقتىرۋ-سپورت كەشەنىن سالىپ بەرگەن الەكساندر ايتوۆتى, ءوزى تۋعان سارىقۇدىق اۋىلىنا فەلدشەرلىك-اكۋشەرلىك پۋنكت سالىپ, بۇكىل قۇرال-جابدىعىمەن قامتاماسىز ەتكەن قازتالوۆتىق نۇرلىباي جولدىباەۆتى, جاقىن كۇندەرى ورال قالاسىندا اشىلاتىن «رۋحاني جاڭعىرۋ» مۋزەيىن جوندەۋگە كومەكتەسكەن كاسىپكەر مۇراتبەك مۇحامبەديەۆتى ۇلگى ەتىپ ايتىپ ءوتتى.
«رۋحاني جاڭعىرۋ» باعدارلاماسى قولعا الىنعالى باتىس قازاقستان وبلىسىندا 62 جوبا جۇزەگە اسىپتى. ونىڭ 7-ءۋى – ءبىلىم سالاسىندا, 1 جوبا – دەنساۋلىق ساقتاۋ سالاسىندا, 10-ى – ينفراقۇرىلىمدى جاقسارتۋ, 9-ى – سپورت سالاسىندا اتقارىلعان. وسى باعدارلاما اياسىندا 2 مادەنيەت ءۇيى جوندەلىپ, 16 ەسكەرتكىش ورناتىلعان.
باتىس قازاقستان وبلىسىنىڭ اكىمى ا.كولگىنوۆ الداعى جىلى اتقارىلاتىن شارالار تۋرالى دا ايتىپ ءوتتى.
– ءبىز ءۇش ۇلكەن جوبانى قولعا العالى وتىرمىز. ونىڭ ءبىرى – قازاقستاننىڭ 100 كيەلى نىسانى قاتارىنا ەنگەن ورتاعاسىرلىق جايىق قالاسىنىڭ ورنىندا اشىق اسپان استىنداعى مۋزەي اشۋ. ەكىنشىسى – استاناداعى «اتامەكەن» ەتنو-مەموريالدى كەشەنىنىڭ ۇلگىسىمەن ورال قالاسىندا قازاقستاننىڭ 100 كيەلى نىسانىنىڭ شاعىن بەينەسىنەن «قاسيەتتى قازاقستان» كارتاسىن جاساۋ. ال ءۇشىنشى جوبا – سال اۋرۋىنا شالدىققان بالالاردىڭ كۇندىز ۋاقىت وتكىزىپ, ەمدەلۋىنە ارنالعان الەۋمەتتىك ءۇي اشۋ. بۇل جوبالاردىڭ بارلىعى دا بيۋدجەت قارجىسىن پايدالانباي, دەمەۋشىلەردىڭ قولداۋىمەن اتقارىلادى. جالپى, 2018 جىلى ءبىزدىڭ وبلىستا مەتسەناتتاردىڭ كومەگىمەن 1 ملرد 500 ملن تەڭگەنىڭ جۇمىسى اتقارىلادى دەپ وتىرمىز, – دەدى التاي كولگىنوۆ.
فورۋمدا ءبىر توپ مەتسەنات «جومارت جۇرەك-2017» اتالىمىمەن جانە وبلىس اكىمىنىڭ العىس حاتىمەن ماراپاتتالدى. ولاردىڭ اراسىندا ءىرى كاسىپورىندار مەن قۇرىلىس كومبيناتتارىنىڭ باسشىلارى, جەكە كاسىپكەرلەر مەن جەرگىلىكتى ءماسليحات دەپۋتاتتارى بار.
قازبەك قۇتتىمۇرات ۇلى,
«ەگەمەن قازاقستان»
ورال
