شارانىڭ ماقساتى – ءدىن سالاسىنداعى تاقىرىپتار توڭىرەگىندە قالام تەربەپ جۇرگەن جۋرناليستەرمەن, باق وكىلدەرىمەن جانە ساراپشىلار قاۋىمداستىعى وكىلدەرىمەن ءدىني باعىتتاعى مەملەكەتتىك ساياساتتى ىسكەاسىرۋدى اقپاراتتىق سۇيەمەلدەۋ ماسەلەلەرى بويىنشا پىكىر الماسۋ, باسىمدىقتاردى انىقتاۋ جانە ۇسىنىستار بەرۋ.
جيىنعا جەتەكشىلىك ەتكەن ءدىن ىستەرى كوميتەتى توراعاسىنىڭ ورىنباسارى ءاليا ءابىلدينوۆا العى سوزىندە بۇگىنگى قوعامنىڭ راديكالدىق يدەولوگياعا قارسى يممۋنيتەتىن قالىپتاستىرۋداعى باق وكىلدەرىنىڭ ءرولىن ايرىقشا اتاپ ءوتتى.
سونىمەن قاتار, كوميتەتتىڭ ءدىن سالاسىنداعى مەملەكەتتىك ساياساتتى ىسكە اسىرۋ باعىتىندا جۇرگىزىلىپ وتىرعان جۇمىستار مەن ونداعى باسىمدىقتارعا كەڭىنەن توقتالدى.
«وسى رەتتە قازاقستاندىق قوعامدا قالىپتاسىپ وتىرعان كونفەسسياارالىق كەلىسىمدى ساقتاۋ مەن نىعايتۋ مەملەكەت تاراپىنان جۇرگىزىلىپ وتىرعان جۇيەلى ساياساتتىڭ ناتيجەسى. سول سەبەپتەن باق وكىلدەرىن قوعامىمىزدا بەرىك ورنىققان تاتۋلىق پەن كەلىسىمدى, زايىرلى قاعيداتتار مەن ءداستۇرلى رۋحاني قۇندىلىقتاردى كەڭىنەن ناسيحاتتاۋعا جانە تۇرعىنداردىڭ بويىندا راديكالدىق ءدىني اعىمداردىڭ تەرىس يدەيالارىنا قارسى تۇرا الاتىن يممۋنيتەت قالىپتاستىرۋ ىسىنە بەلسەندى قاتىسۋعا شاقىرامىن» دەدى ءا.ءابىلدينوۆا.
سەمينار-ترەنينگ اياسىندا ەلىمىزگە كەڭىنەن تانىمال جۋرناليست, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى جۋرناليستيكا ينستيتۋتىنىڭ ديرەكتورى نامازالى وماشەۆ پەن اقپارات جانە كوممۋنيكاتسيالار مينيسترلىگى ورتالىق كوممۋنيكاتسيا قىزمەتىنىڭ باسشىسى اناستاسيەي ششەگورتسوۆا جانە قازاقستان رەسپۋبليكاسى پرەزيدەتى جانىنداعى ادام قۇقىقتارى جونىندەگى كوميسسيا مۇشەسى گۇلناز ءنابيدىني نىساندارعا بايلانىستى اقپارات تاراتۋدى ءتۇسىندىرۋدىڭ زاماناۋي ادىستەرى باعىتى بويىنشا تاقىرىپتىق بايانداما جاسادى. جيىن سوڭىندا ءىس-شاراعا قاتىسۋشىلار كوتەرىلگەن ماسەلەلەر توڭىرەگىندە وي ءبولىسىپ, پىكىر الماستى.
نۇرلىبەك دوسىباي,
«ەگەمەن قازاقستان»
