ءورت سوندىرۋشىلەردىڭ حابارلاۋىنشا وقيعا نيۋ-يوركتىڭ ورتالىعىنداعى پورت-اتۋري اۆتوبۋس تەرمينالىندا بولعان. ونداعى اۆتوۆوكزال ەۆاكۋاتسيالانىپ, ءورت سوندىرۋشىلەر مەن پوليتسيا قىزمەتكەرلەرى جۇمىلدىرىلعان.
بەينەكامەرا ارقىلى وندا كوپتەگەن جەدەل جاردەم ماشينالارى مەن قىزمەتكەرلەرىن بايقاۋعا بولادى. ا, س جانە ە جەلىلەرىنىڭ ماڭىنداعى مەترو ستانتسيالارى دا ساقتىق ۇشىن ەۆاكۋاتسيالاندى.
ABC تەلەارناسى پوليتسيانىڭ جاسىرىن دەرەككوزدەرىنە سىلتەمە جاساي وتىرىپ, تەرمينالدىڭ جەر استى وتكەلىندە بومبا جارىلعانىن حابارلاپ وتىر. CBS مالىمەتىنشە, بومبانى جارۋشى ءوز-وزىنە قول جۇمساعان بولۋى مۇمكىن.
ال WPIX تەلەارناسى جارىلعىش قۇرىلعى بار ەكىنشى ادام مەترو تۋننەلىندە ۇستالعانىن حابارلادى.
پورت-اتوري – اقش-تاعى ەڭ ءىرى اۆتوۆوكزال. ول جىلىنا 65 ميلليون ادامعا قىزمەت كورسەتەدى.
