ماxامبەت وتەمىس ۇلى اتىنداعى وبلىستىق دراما تەاترىندا وتكەن مەرەكەلىك كەش "رۋxاني جاڭعىرۋ" باعدارلاماسى اياسىندا وبلىستىق اكىمدىكتىڭ ۇيىمداستىرۋىمەن ءوتتى.
وبلىس اكىمى نۇرلان نوعاەۆ ەلىمىزدىڭ باس قالاسى مەرەيتويىنا جينالعان قالا تۇرعىندارىن قۇتتىقتادى:
- بۇگىن ەلىمىزدىڭ بارلىق قالالارىندا ەلورداعا ارنالعان مەرەكەلىك ءىس-شارالار باستالدى. وتانعا دەگەن سۇيىسپەنشىلىك, وتانسۇيگىشتىك ءوسىپ كەلە جاتقان, ينتەللەكتۋالدى, بەلسەندى جاستاردىڭ ارقاسىندا تۋىندايدى, ۇلتتىڭ رۋحى بيىك بولۋى, بىرتۇتاستىعىمىزدى ايقىنداي تۇسەدى. 20 جىل بۇرىن ەلباسىمىز ەلوردانى اۋىستىرۋ تۋرالى بۇيرىققا قول قويعان بولاتىن. وسى ۋاقىت ىشىندە دانا جانە كورەگەن شەشىمنىڭ ارقاسىندا ءبىز ەۋرازيانىڭ ءىنجۋ-مارجانى بولىپ سانالاتىن جاڭا استانامىزدى قۇردىق. بارشاڭىزدى مەرەكەمەن قۇتتىقتاپ,سىزدەرگە جانە وتباسىلارىڭىزعا ساتتىلىك تىلەيمىن!
كورەرمەندەر نازارىنا وبلىستىڭ بارلىق اۋداندارىنان كەلگەن وقۋشىلاردىڭ مەرەكەلىك باعدارلاماسى ۇسىنىلدى. 70- تەن اسا جاس اتىراۋلىق ءتۇرلى بيلەر مەن انا تىلىندەگى پاتريوتتىق اندەردەن شاشۋ شاشتى.
