كۇنى كەشە اتالمىش سپورت تۇرىنەن كىل مىقتىلار سىنعا تۇسكەن جارىستا شىعىسقازاقستاندىق سپورتشىلار جۇلدەگەرلەر قاتارىنان كورىندى. اتاپ ايتساق, ىرىكتەۋ سايىسىندا كوش باسىندا تۇرعان دميتري رەيحەرد فينالدىق باسەكەدە 85.11 ۇپاي جيناپ, الەم كۋبوگىندە كۇمىس مەدال ەنشىلەدى. قولا جۇلدە 84.44 ۇپايمەن تاعى ءبىر شىعىسقازاقستاندىق سپورتشى پاۆەل كولماكوۆقا بۇيىردى. قازاقستاندىق سپورتشىلاردىڭ الدىن وراپ كەتكەن تاجىريبەلى سپورتشى, ءارى سوچي وليمپياداسىنىڭ كۇمىس جۇلدەگەرى مايكل كينسبەري 87.45 ۇپاي ەنشىلەپ, جارىس جەڭىمپازى اتاندى. الداعى كۇندەرى شقو سپورتشىلارى قىتاي جەرىندە وتەتىن الەم كۋبوگى كەزەڭىندە ونەر كورسەتەدى.
ازامات قاسىم,
«ەگەمەن قازاقستان»
شىعىس قازاقستان وبلىسى
