مۇنداي فورماتتاعى سەمينار وڭىردە العاش رەت وتكىزىلدى. وعان پوليتسيا قىزمەتكەرلەرىنەن بولەك باسقا دا قۇقىق قورعاۋ ورگاندارىنىڭ قىزمەتكەرلەرى قاتىستى. وتكەن عاسىردىڭ ورتا تۇسىندا پايدا بولعان سپورتتىڭ بۇل ءتۇرىن ۇيرەتۋگە بۇكىلالەمدىك حاپكيدو فەدەراتسياسىنىڭ پرەزيدەنتى, ورتا سالماقتاعى مما بويىنشا الەمنىڭ ەكس-چەمپيونى لي گاك سۋ جانە شىعىس جەكپە- جەگىنىڭ شەبەر كيم دجۋن يونگ كەلدى.
«بۇل – قازاق-كارىس قوعامدىق قورى اتقارعان سان-سالالى جۇمىستاردىڭ ءبىرى عانا. حالىقارالىق دەڭگەيدەگى شەبەرلىك ساباقتارىندا قۇقىق قورعاۋ ورگاندارىنىڭ قىزمەتكەرلەرى جاقسى قىرلارىمەن تانىلا ءبىلدى», - دەدى وبلىس اكىمىنىڭ ورىنباسارى ماديار قوجاحمەت ءوز سوزىندە.
«ەر نۇر & نيكا» قازاق-كارىس دوستىعى قوعامدىق قورىنىڭ پرەزيدەنتى يگناتي تيو, دەنە شىنىقتىرۋ جانە سپورت باسقارماسىنىڭ باسشىسى رۋسلان ەسەنالين, تانىمال بوكسشى سەرىك نۇرقازوۆ, ءوىىد باستىعى بەرىك ءبىلالوۆ مۇنداي جيىندار قىزمەتكەرلەردىڭ الەۋەتىن كەڭەيتۋگە زور مۇمكىندىكتەر بەرەتىنىن اتاپ ءوتتى. تەز ءارى دۇرىس شەشىم قابىلداۋ, وزىندىك ءتارتىپ پەن شىدامدىلىق پوليتسيا ماماندىعىن ايشىقتايتىن باستى قاسيەتتەر سانالادى. ال, جاۋىنگەرلىك ونەر بۇل قاسيەتتەردى نىعايتۋعا سەپتەسەدى.
سەمينار سوڭىندا بۇكىلالەمدىك حاپكيدو فەدەراتسياسىنىڭ پرەزيدەنتى لي گاك سۋ 42 قىزمەتكەرگە سەرتيفيكات تابىستادى. ولاردىڭ 20-سى – جىلدام قيمىلدايتىن ارنايى جاساقتىڭ قىزمەتكەرلەرى, بەسەۋى – ارنايى دايارلىق باسقارماسىنىڭ ينسپەكتورلارى. مۇنداي قۇرمەتتەرگە مامانداندىرىلعان كۇزەت قىزمەتى باسقارماسىنىڭ,قىلمىستىق-اتقارۋ جۇيەسى دەپارتامەنتىنىڭ وكىلدەرى دە يە بولدى.
ءومىر ەسقالي.
«ەگەمەن قازاقستان».
سولتۇستىك قازاقستان وبلىسى
