جۋىردا دوستىق ۇيىندە ەرەكشە جيىن ءوتتى. ماراپاتتاۋ راسىمىنە رەسەيدىڭ وسكەمەندەگى گەنەرالدى كونسۋلدىعىنىڭ اتتاشەسى دانيل لاپاچ قاتىستى. ماراپات كۋالىگىن تاپسىرعان كونسۋل وكىلى زاحار بوچين دە, ونىڭ ۇلى ۆيكتور ءبوچيننىڭ دە وتان سوعىسىنىڭ تاريحىن جاس ۇرپاق اراسىندا ناسيحاتتاپ جۇرگەنىن ايتىپ ءوتتى.
وسىدان 20 جىل بۇرىن وبلىس ورتالىعىنداعى سلاۆيان مادەني ورتالىعى «ۆاحتا پامياتي» اتتى جوبانى باستادى. بىرلەستىك مۇشەلەرى 1941-1945 جىلدارداعى قۇجاتتاردى ىزدەستىرۋگە, تاريحتى ساقتاۋعا جانە ۇرپاق اراسىندا ناسيحاتتاۋعا وزدەرىنىڭ ۇلەستەرىن قوسۋدا. بىرلەستىك ءتورايىمى تاتيانا كۋزينانىڭ ايتۋىنشا كوپتەگەن مايداگەرلەر وزدەرىنە ارنالعان ماراپاتتاردىڭ بار ەكەنىن بىلە الماي كەتتى. سوعىس ۋاقىتى, مايداننىڭ ءبىر شەبىنەن ەكىنشى شەبىنە اۋىسۋ, گوسپيتالدەر, حابارسىز كەتكەندەر, بىراق ناگرادالاردىڭ بۇيرىقتارى ارحيۆتەردە ساقتالدى. مايدانعا قاتىسقانداردىڭ ۇرپاقتارى ءۇشىن وسى ناگرادالاردىڭ كۋالىكتەرىنىڭ كوشىرمەلەرىن جاساۋ مۇمكىندىگى تۋدى.
ەندى مىنە, وتان سوعىسىنىڭ ارداگەرى ز.ءبوچيننىڭ وردەنى ۇلىنا تابىس ەتىلدى.
– لەنينگرادتاعى اۋىلشارۋاشىلىق ينستيتۋتىن بىتىرگەن مەنىڭ اكەم پاۆلودار وبلىسىنا كوشىپ كەلەدى. اكەمىز 1943 جىلى ول مايدانعا اتتانعان كەزدە ۇيدە 3 بالا قالدىق. اكەم سوعىستان ورالعان سوڭ, تاعى دا 6 بالاسى دۇنيەگە كەلەدى. كوپ جىلدار وڭىرىندە زووتەحنيك بولىپ ەڭبەك ەتتى. 1979 جىلى قايتىس بولدى. بۇگىنگى كۇن ءبىزدىڭ اۋلەت ءۇشىن ەرەكشە كۇن, - دەدى ۆيكتور زاحاروۆيچ. ناگرادانىڭ بار ەكەندىگى «پودۆيگ نارودا» سايتى ارقىلى انىقتالىپتى.
فاريدا بىقاي
«ەگەمەن قازاقستان»
سۋرەتتى تۇسىرگەن ماقسات ايتباي
پاۆلودار
