ايتۋلى شارانىڭ «ادەبي-سازدى» دەپ اتالۋى دا تەگىن ەمەس. «قازاقستان» كونتسەرت زالىنىڭ ءزاۋلىم ءارى كەڭ فويەسىنە كىتاپحانا ۇجىمى «رۋحاني جاڭعىرۋ» باعدارلاماسىمەن ۇندەس وقۋلىقتاردىڭ كورمەسىن وتكىزدى. وتاندىق ءارى الەمگە تانىمال اقىندار مەن جازۋشىلاردىڭ ۇزدىك تۋىندىلارىمەن بىرگە, جينالعان قاۋىم وتكەن عاسىردىڭ 30-40 جىلدارىندا لاتىن الىپبيىندە جارىققا شىققان كىتاپتارمەن تانىسۋعا مۇمكىندىك الدى. ۇيىمداستىرۋشىلاردىڭ ايتۋىنشا, سالتاناتتى دۋماننىڭ باستى ماقساتى – جاستاردى مادەنيەت پەن ونەرگە باۋلي وتىرىپ, مادەني جەتىستىكتەردى پاش ەتۋ.
ەلىمىزدە ءبىرىنشى رەت وتكەن ادەبي-سازدى كەش تۋرالى ايتا كەلە ءۇمىتحان مۇڭالباەۆا شاراعا دايىندىقتىڭ قىزۋ جۇرگەنىن اتاپ ءوتتى. ء«بىز جۇمىستان كەيىن ارنايى جينالىپ, دايىندىق جۇمىستارىن جۇرگىزدىك. سوندىقتان وسىناۋ ليريكالىق كەشتى ۇيىمداستىرىپ وتىرمىز. الەۋمەتتىك جەلى ارقىلى بارلىق استانا تۇرعىندارى مەن مەيماندارى شاقىرىلدى. مەنىڭ ويىمشا, ءبىزدىڭ مادەنيەت قىزمەتكەرلەرى ءبىر ساتكە تىنىعىپ, كەشتە كوڭىل كوتەرۋگە لايىقتى», دەيدى.
ادەبي-سازدى كەشتە ەلوردامىزدىڭ ونەرلى جاستارى بي بيلەپ, ولەڭ وقىپ, ساحنالىق قويىلىمدار قويدى. جاس ونەرپازداردى ءبىر-بىرىمەن تانىستىرىپ, جاقىنداستىرۋ ماقساتى ىسكە اسقانداي بولدى. كەشتەن كوڭىلدى قايتقان قالا تۇرعىندارى ۇيلەرىنە قايتىپ بارا جاتقاندا, استانا اسپانىن ءالى ولەڭ تەربەپ تۇرعان بولاتىن.
باعاشار تۇرسىنباي ۇلى,
«ەگەمەن قازاقستان»
سۋرەتتى تۇسىرگەن
ەرلان ومار,
«ەگەمەن قازاقستان»
