سەرىكباي قاجى وراز ۇلى باس ءمۇفتي بولىپ سايلاندى

قۇرىلتايدى اشىپ بەرگەن ەلى­مىزدىڭ ءدىن ىستەرى جانە ازامات­تىق قوعام ءمينيسترى نۇرلان ەر­مەكباەۆ اتالعان باسقوسۋ ءدىني باس­­قارمانىڭ وزەكتى ماسەلەلەر تۋ­رالى اشىق ءارى شىنايى اڭگىمە قۇ­رۋعا جانە الداعى بەس جىلعا ار­نال­عان مىندەتتەرىن  ناقتى اي­­قىنداۋعا جاقسى مۇمكىندىك بولاتىنىنا سەنىم  بىلدىرەتىنىن ايتتى.

باسقوسۋ بارىسىندا سەرىكباي ورازدىڭ كانديداتۋراسىن ەر­جان مالعاجى ۇلى ۇسىندى. ەلى­مىزدىڭ ءار تۇكپىرىنەن كەلگەن ­300-­­دەن اس­تام دەلەگات بۇل شە­شىم­­­­دى ءبىر­اۋىز­دان قولداپ, سەنىم ءبىل­­­­دىردى. وسى­لايشا, سەرىكباي قاجى وراز­­­ ۇلى  الداعى بەس جىل­­دا باس ءمۇف­­­­تي  قىزمەتىن اتقا­راتىن بولا­دى. ال جاڭا ءمۇف­تيدىڭ ورىنبا­سا­رى لاۋازى­مىنا  ناۋرىزباي قا­جى تاعان ۇلى, باۋىرجان ەس­ما­حانوۆ, الاۋ ادىلباەۆ تا­عا­يىن­دالدى. قۇرىلتايعا قا­زاق­ستان مۇسىلماندارى ءدىني باس­قار­ماسىنىڭ تورالقا مۇشە­لەرى, عۇ­لا­مالار كەڭەسىنىڭ مۇشەلەرى, تەو­لوگ-عالىمدار, زيالى قاۋىم وكىل­دەرى مەن ءار وبلىستان كەلگەن قۇرىلتاي قوناقتارى قاتىسىپ, جا­ڭا ءدىنباسىنىڭ قىزمەتىنە تولايىم تابىستار تىلەدى.

استانا قالاسى ادىلەت دەپار­تا­مەنتى ءدىني ىستەر ءبولىمىنىڭ باس­ مامانى, مەملەكەتتىك قىز­مەت ىس­تەرى اگەنتتىگىنىڭ اعا قىز­مەت­­كەرى, پرە­زيدەنت ءىس باسقار­ما­سىنىڭ اكىم­شىلىك عيماراتتار ديرەك­تسيا­سىنىڭ ديرەكتورى سياق­تى بىرقاتار جاۋاپتى قىز­مەتتەردە بولعان سەرىكباي وراز­ ۇلى 2013 جىلدىڭ قازان ايىنان باستاپ بۇگىنگى كۇنگە دەيىن «ازىرەت سۇل­تان» مەشىتىنىڭ باس يما­مى­ جانە نايب ءمۇفتي قىزمەتىن ات­قارىپ كەلگەن ەدى. ال بۇعان دەيىن باس ءمۇف­تي لاۋازىمىندا بولعان ەر­جان قا­جى مالعاجى ۇلى  ال­ماتىداعى «نۇر-مۇ­باراك» قا­زاق­­ستان-ەگيپەت يسلام ۋني­ۆەر­سيتەتىنە باس­شىلىق قىز­مەتكە باراتىنى ءمالىم بولدى.

ارمان وكتيابر,

«ەگەمەن قازاقستان»

الماتى