…وي بولىسەدى
رۋحىمىز ماڭگى ساقتالۋى ءتيىس
ەلباسى نۇرسۇلتان نازارباەۆ ەلىمىزدىڭ بولاشاق باعدارىن ايقىنداپ بەرگەن. ماقسات ايقىن, باعىتىمىز بەلگىلى, ول وزىق ەلدىڭ قاتارىندا بولۋ. بۇل ىستە سانامىز ىسىمىزدەن الدا ءجۇرۋى ءتيىس. ياعني رۋحاني سالاعا سالماق سالاتىن ۋاقىت كەلدى.
دەمەك, جاڭعىرۋ – ەلدىڭ ۇلتتىق-رۋحاني تامىرلارىنان ءنار الۋ. وسى رۋحاني قۇندىلىقتار نەگىزىندە باسەكەگە قابىلەتتى جەكە ادامنىڭ تىرلىگى عانا ەمەس, حالىق بولىپ باسەكەگە ءتۇسىپ, ودان وزىپ الەم ەلدەرى اراسىنان لايىقتى ورنىمىزدى الۋ. وسى ماقساتتا جاھاندىق نارىقتا ۇتىمدى دۇنيەمىزدى ۇسىنىپ, تەك ماتەريالدىق قۇندىلىق قانا ەمەس, ءبىلىم, قىزمەت, عىلىم, زياتكەرلىك ونىمگە دە زەر سالۋىمىز قاجەت. كەلەشەگىمىز تابيعي بايلىعىمىزعا عانا ەمەس, ادامداردىڭ باسەكەلەستىك قابىلەتىنە دە بايلانىستى ەكەنىن ەستەن شىعارماعانىمىز ءجون. ءار ەلدىڭ عاسىرلار بويى قالىپتاسقان, قوعام قابىلداعان, حالىق بويىنا سىڭىرگەن باي رۋحاني قۇندىلىقتارى بار. وسى جالپى ۇلتتىق رۋحىمىز بويىمىزدا ماڭگى ساقتالۋى ءتيىس. سونىمەن بىرگە جاڭعىرۋ دەگەنىمىز جاڭارۋ ەمەس پە؟ سوندىقتان كەيبىر تەرىس داعدىلاردان, ادەتتەردەن ارىلۋ كەرەك. بۇل جوسپارلاردى ىسكە اسىراتىن, ارينە, ەلىن, جەرىن, حالقىن سۇيەتىن پاتريوتتار. جاستاردى وتانسۇيگىشتىككە تاربيەلەۋ ماقساتىندا وقۋ جوسپارىنا «تۋعان جەر» باعدارلاماسى ەنگىزىلەدى. ءسويتىپ «تۋعان جەر» باعدارلاماسى جالپى ۇلتتىق ءپاتريوتيزمنىڭ ناعىز وزەگىنە اينالادى.
قالقامان جاقىپ,
ا.بايتۇرسىنوۆ اتىنداعى قوستاناي
مەملەكەتتىك ۋنيۆەرسيتەتىنىڭ پروفەسسورى
...تىلەگىن جەتكىزەدى
وزىق تاجىريبەلەردى وقىعىمىز كەلەدى
«ەگەمەن قازاقستان» گازەتىنىڭ ۇستازدارعا بەت بۇرا باستاعانى قۋانتادى. مۇعالىمدەرگە ارنالعان ء«تالىم» بەتىنىڭ كومەگى زور بولعالى تۇر. بۇگىندە جەدەل وزگەرىستەر زامانى, ءبىر ورىندا شيىرلاپ قالۋدى ۋاقىت كەشىرمەيدى. مۇنى ەلباسى دا ءوزىنىڭ «بولاشاققا باعدار: رۋحاني جاڭعىرۋ» اتتى ماقالاسىندا ەستىر جانعا جەتەردەي ايتتى.
وسىنداي جاعدايدا ۇستازدارعا دا ورتاق ديالوگ الاڭى قاجەت. «ەگەمەن» اپتاسىنا 5 مارتە شىعاتىن قازاقتىڭ باس باسىلىمى. ء«تالىم» بەتىنەن ۇرپاق تاربيەلەۋدەگى سونى ادىستەردى ناسيحاتتايتىن, شەتەلدەگى وزىق تاجىريبەلەردى ءبىزدىڭ پايداعا شىعاراتىن ماقالالاردى وقىعىمىز كەلەدى. باياعىدا قۇسيىن ايتقاليەۆ مەكتەبى, ءباتيما بىتىبەكوۆا مەكتەبى دەگەن بولىممەن ۇستازدار گازەتىندە, جۋرنالىندا جاقسى ماتەريالدار بەرىلەتىن ەدى. بۇگىن دە الەمدەگى مىقتى مەكتەپتەردىڭ نەگىزىندە جۇمىس جاساپ جاتقان ۇستازدار جەتەرلىك. «ەگەمەن» وسى جاعىنان كومەكتەسسە وقىرماندارى دا مول بولار ەدى دەپ ويلايمىز.
جىبەك زيابەكوۆا,
ق.سىپاتاەۆ اتىنداعى №7 مەكتەپتىڭ مۇعالىمى
وڭتۇستىك قازاقستان وبلىسى
...جاڭالىعىن بىلدىرەدى
اعىلشىنشا ۇيرەنىپ جاتىرمىز
بۇگىنگى تاڭدا ءبىلىم بەرۋ ادىستەمەسىنە يننوۆاتسيالىق تەحنولوگيالار ەنگىزىلىپ, ءبىلىم بەرۋ جۇيەسىن جاڭارتۋ ءىسى جەدەل قولعا الىنىپ جاتقانى بەلگىلى. وسى رەتتە وبلىس ورتالىعىنان شالعايدا ورنالاسقان قاينار اۋىلىنىڭ ۇستازدار قاۋىمى دا ەلىمىزدىڭ ءبىلىم سالاسىنداعى جاڭاشىلدىقتاردى دەر كەزىندە مەڭگەرۋگە تىرىسۋدا. بيىل بىرنەشە سىنىپتىڭ وقۋشىلارى جاڭارتىلعان ءبىلىم بەرۋ باعدارلاماسى بويىنشا وقىتىلۋعا كوشتى. وسىعان وراي 8 ۇستازىمىز جاز بويى ءبىلىم كوتەرۋ كۋرستارىنا قاتىستى. وڭىرىمىزدە جۇزەگە اسىرىلىپ جاتقان ءۇش ءتىلدى (قازاق, ورىس, اعىلشىن) وقىتۋ باعدارلاماسى شەڭبەرىندە بىرنەشە مۇعالىمىمىز بىلىكتىلىكتى ارتتىرۋ كۋرستارىنان ءوتتى. وسى كۋرستاردان وتكەن قازاق, اعىلشىن جانە ورىس ءتىلى ءپانىنىڭ مۇعالىمدەرى قازىر مەكتەبىمىزدە ءارتۇرلى شارالار ۇيىمداستىرىپ جاتىر. ەرەكشە اتاپ وتەر دۇنيە, اعىلشىن ءتىلى ءپانىنىڭ مۇعالىمى اپتاسىنا ءبىر رەت جاراتىلىستانۋ, گۋمانيتارلىق جانە باستاۋىش سىنىپ مۇعالىمدەرىنە اعىلشىن ءتىلىن ۇيرەتىپ جاتىر.
2019 جىلدان باستاپ جاراتىلىستانۋ پاندەرى اعىلشىن تىلىندە جۇرگىزىلەدى دەپ جوسپارلانىپ وتىر. وسىعان بايلانىستى قازىر بيولوگيا ءپانىنىڭ مۇعالىمى بىلىكتىلىك كۋرسىنان ءوتىپ جاتىر. جاڭا تەحنولوگيا مەن دەنە شىنىقتىرۋ ءپانى مۇعالىمدەرى وسىنداي كۋرستاردان ءوتىپ, جاڭارتىلعان ءبىلىم جۇيەسى بويىنشا جۇمىس ىستەۋدە.
الماگۇل مانديەۆا,
س.بەگالين اتىنداعى ورتا مەكتەپ ديرەكتورىنىڭ
عىلىمي-ادىستەمەلىك جۇمىستار جونىندەگى ورىنباسارى
شىعىس قازاقستان وبلىسى,
قاينار اۋىلى
...كومەك كۇتەدى
قادىرلى مەشiت توزىپ بارادى
1998 جىلى وڭتۇستiك قازاقستان وبلىسى سارىاعاش اۋدانى قۇركەلەس اۋىلىندا مەشiت اشىلىپ, قازاقتىڭ ايبوز ۇلى, شىعىس جەكپە-جەك ونەرiن ەلiمiزگە الىپ كەلگەن مۇستافا وزتۇرiكتiڭ ەسiمi بەرiلگەن اللا ۇيiندە جاماعات بۇگiنگە دەيiن قۇلشىلىق ەتiپ كەلەدi. ەندi مiنە, اشىلعانىنا 20 جىلعا جۋىقتاعان مەشiتiمiز توزىپ بiتتi. ءىشى-سىرتىن سىلاپ, ارلەپ, اكتەپ, شاتىرىن سۋ وتپەيتiندەي ەتiپ قايتا جابۋ كەرەك. وعان قوسا, ايازدى كۇندەرi ناماز وقىعاندا ازىناعان سۋىق قارىپ, قارت ادامدار شىداي المايدى. سول سەبەپتi اۋىل تۇرعىندارى مەشiتكە جىلىتۋ جۇيەسi قايتا جۇرگiزiلسە دەيدi. مەشiتتiڭ اينالاسىن مال كiرمەيتiندەي ەتiپ قورشاپ, بالالار ناماز وقىپ-ۇيرەنەتiن ارنايى بولمە اشىلسىن دەگەندi دە تiلگە تيەك ەتiپ وتىر اۋىل حالقى. جاڭبىرلى كۇندەرi مەشiتكە جەتۋ اۋىل تۇرعىندارى ءۇشiن مۇڭعا اينالادى. سەبەبi اسفالت توسەلمەگەن جولدىڭ مي باتپاعى شىعىپ, لايساڭعا بەلشەدەن باتاسىڭ. ايتارىم – مۇستافا وزتۇرiكتiڭ ەسiمi بەرiلگەن كيەلi ورىنعا كۇردەلى جوندەۋ جۇمىستارى قاجەت. بۇل ماسەلەگە اۋىلدان شىققان جەكەلەگەن كاسiپكەرلەر نەمەسە وزگە دە اتىمتاي-جومارت ازاماتتار قول ۇشىن سوزىپ, قولداسا دۇرىس بولار ەدi.
بەرiك قاجى اديەۆ
...اسەرىن ايتادى
زەردەلى كەڭەس ءوتتى
اقىل-وي قازىناسىنىڭ مەكەنىنە اينالعان كىتاپحانادا رۋحاني تاربيەنى ۇلىقتاۋ, وتكەندى بۇگىنمەن ساباقتاستىرىپ ۇلتتىق قۇندىلىقتاردى ناسيحاتتاۋ بارىسىندا كوپتەگەن جۇمىستار اتقارىلۋدا.
جۋىردا س.بايىشەۆ اتىنداعى اقتوبە وبلىستىق امبەباپ عىلىمي كىتاپحاناسىندا ەلباسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى اياسىندا «رۋحاني جاڭعىرۋ: كىتاپحانالىق-اقپاراتتىق كەڭىستىكتى قالىپتاستىرۋ» اتتى وبلىستىق زەردەلى كەڭەس ءوتتى.
باسقوسۋدىڭ ماقساتى – مادەني, دەمالىس جانە ويىن-ساۋىق ورتالىعىنىڭ ەرەجەسىن تالقىلاۋ, ايماقتاعى كىتاپحانا ءىسىنىڭ ستراتەگيالىق باعىتتارىن دايىنداۋ, بولاشاقتا بىرىڭعاي اقپاراتتىق كەڭىستىكتە ىنتىماقتاسۋ, ءىس-تاجىريبە الماسۋ.
بولاشاقتا كىتاپحانانىڭ ءمانى مەن كەلبەتى اقپاراتتىق تەحنولوگيالاردىڭ ەۆوليۋتسياسىنا تاۋەلدى. ال اقپاراتتىق تەحنولوگيالار جەتىستىكتەرى مەن كىتاپحانا ميسسياسىنىڭ ۇيلەسىمدى ۇشتاسۋى كىتاپحانا ماماندارىنا تىكەلەي بايلانىستى. وسى ورايدا وبلىس كىتاپحانالارىنا عىلىمي-ادىستەمەلىك كومەك كورسەتۋ باعىتىنا ارنالعان «ادىستەمە. ينفو» كاسىبي بلوگىنىڭ تۇساۋكەسەرى وتكىزىلىپ, 11 اۋداندىق كىتاپحانا «كىتاپحانانىڭ جارقىن بولاشاعى» اتتى بەينەروليكتەر ۇسىندى.
كىتاپحانا ديرەكتورى نەسىبەلى جۇماعۇل رۋحاني مادەنيەتتىڭ دامۋى ءۇشىن تاعىلىمدى تاربيەنىڭ قاينارىنان سۋسىنداپ, بيىك ادامي قۇندىلىقتاردىڭ كەمەلدەنۋ بارىسىندا ءاربىر مامان يەسى كاسىبي قىزمەتىن جوعارى دەڭگەيدە جۇزەگە اسىرۋ قاجەت دەپ, كىتاپحاناشىلارعا سەنىمىن ءبىلدىردى.
قۇرالاي رايمباەۆا,
س.بايىشەۆ اتىنداعى اقتوبە وبلىستىق امبەباپ عىلىمي كىتاپحاناسىنىڭ ءبولىم مەڭگەرۋشىسى
