ءتۋرنيردىڭ اشىلۋ سالتاناتىنا قازاقستان تەننيس فەدەراتسياسىنىڭ پرەزيدەنتى بولات وتەمۇراتوۆ, قر مادەنيەت جانە سپورت ءمينيسترى ارىستانبەك مۇحامەدي ۇلى, قازاقستان تەننيس فەدەراتسياسىنىڭ ۆيتسە-پرەزيدەنتى دياس دوسقاراەۆ, قر باس پروكۋرورىنىڭ ورىنباسارى مارات احمەتجانوۆ, قر ەڭبەك سىڭىرگەن سپورت شەبەرى سەرگەي كوتەنكو, قر ەڭبەك سىڭىرگەن قايراتكەر ءامىر احمەتوۆ جانە باسقا دا تۇلعالار قاتىستى.
«قۇرمەتتى قاتىسۋشىلار, ۇيىمداستىرۋشىلار جانە قازىلار القاسى. بارشاڭىزدى قازاقستان رەسپۋبليكاسى تۇڭعىش پرەزيدەنت كۇنىمەن قۇتتىقتايمىن. نۇرسۇلتان ءابىش ۇلى تەنيستىڭ دامۋىنا ەرەكشە كوڭىل بولەدى جانە ينفراقۇرىلىمنىڭ دامۋىنا قولداۋ كورسەتىپ وتىرادى. اتالمىش تۋرنير التى جىل قاتارىنان ءوتىپ كەلە جاتىر جانە جىل سايىن قاتىسۋشىلاردىڭ سانى كوبەيۋدە. سىزدەر, اۋەسقويلار, تەننيستى تانىتۋداعى نەگىزگى كۇشتىڭ بىرىسىزدەر. سىزدەر كۇش-قۋاتتارىڭىز جانە وسى سپورت تۇرىنە دەگەن سۇيىسپەنشىلىكتەرىڭىز ارقىلى تەننيستى ناسيحاتتايدى دەگەن سەنىمدەمىن. تۋرنير قىزىقتى جانە شيەلەنىسكە تولى بولادى. بارشاڭىزعا تابىس, ساتتىلىك تىلەيمىن! ەڭ مىقتى جەڭىمپاز اتانسىن», - دەدى قتف پرەزيدەنتى بولات وتەمۇراتوۆ ءوزىنىڭ العى سوزىندە.
ەرەجە بويىنشا تۋرنير ەكى بولىككە بولىنگەن – توپتىق جانە فينالدىق پلەي-وفف كەزەڭى. توپتىق كەزەڭ شەڭبەر جۇيەسىندە ءوتىپ, ماتچتار ءبىر سەتتەن 6 گەيمگە دەيىن جالعاسادى. 6:6 ەسەبىندە 7 ۇپايعا دەيىن تاي-برەيك ويناتىلادى. توپتىق كەزەڭنىڭ ناتيجەسىندە وليمپيالىق جۇيە بويىنشا وتەتىن فينالدىق كەزەڭ باستالادى. توپ ىشىندەگى ءبىرىنشى جانە ەكىنشى ورىن يەگەرلەرى نەگىزگى سانات «ماستەرس»-كە شىعادى, ءۇش جانە ءتورتىنشى ورىن يەلەنگەندەر قوسىمشا «فيۋچەرس» تۋرنيرىندە ونەر كورسەتەدى. پلەي-وفف ويىندارى ءبىر پروفسەتتەن 8 گەيمگە دەيىن بولادى, 7:7 ەسەبىندە 7 ۇپايعا دەيىن تاي-برەيك ويناتىلادى. ماتچتى وتكىزۋ فورماتى قاتىسۋشىلاردىڭ تولىق قۇرامى انىقتالعاننان كەيىن وزگەرۋى مۇمكىن.
جارىس حالىقارالىق تەننيس فەدەراتسياسى بەكىتكەن تەننيس ويىندارىنىڭ ەرەجەسى بويىنشا 2012 جىلدان بەرى وتكىزىلەدى. جۇلدە قورى 2 ملن تەڭگەنى قۇرايدى. بيىل تۋرنيرگە قازاقستان, يتاليا, يسپانيا, چەحيا, رەسەي, ۋكراينا, وزبەكستان جانە قىرعىزستان ەلدەرىنەن م30+, م45+ جاس شاماسىنداعى 144 اۋەسقوي تەننيسشى قاتىسۋدا.
